Alawi 27:8 - ÎVUKU RÎA ÛVORO MWARO

⁸ “Ethîrwa mûndû ûrîa wîvîtîte arî mûthîni mûno na ndangîvota kûrîva kîthimi kîrîa gîtîkanîrie, nîakaavirîra mûthînjîri-Ngai mûndû ûcio amûrîrîte Ngai, nake mûthînjîri-Ngai nîagaatua kîthimi kûringana na ûrîa mûndû ûrîa wîvîtîte angîvota kûrîva.

Alawi 27:8 ပူးပေါင်းရင်းမြစ်များ

2Atha 7:5

Kwoguo nîmaathiîre kûrî na rûkurerema kûrîa andû a Sîria matûûraga; nwatî rîrîa maakinyire kîvingorî Kîamo, mationa mûndû.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Alawi 12:8

“Ethîrwa mûndûmûka ndangîona ng'ondu, nîakaanenganîra ndutuura igîrî kana macîa maîrî. Îmwe ya îtega rîa kûvîvua nayo îo îngî ya îtega rîa kûtheria wîvia. Mûthînjîri-Ngai nîakaarûthîra mûndûmûka ûcio mambura ma kûmûtheria na nîakaathera.”

Alawi 27:7

Mûndû arî na ûkûrû wa makîria ya mîaka mîrongo îtandatû: arî mûndûmûrûme, tûcunjî îkûmi na tûtano (15) twa sîlûva, na arî mûndûmûka, tûcunjî îkûmi (10) twa sîlûva.

Alawi 27:9

“Ethîrwa mwîvîtwa nî wa nyamû îrî îtega kûrî Ngai-Mûnene, matega monthe ma nyamû ta îo nî matheru.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Maariko 14:7

Andû arîa athîni mûkethagîrwa nao vîndî cionthe na wa rîrîa rîonthe mûngîenda kûmatethia nwa mûmatethie. Nwatî mûtikethagîrwa nanie vîndî cionthe.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.