Alawi 27:34 - ÎVUKU RÎA ÛVORO MWARO

³⁴ Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 27:34 ပူးပေါင်းရင်းမြစ်များ

Alawi 26:46

Mama nî mawatho, irîra na maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 7:38

Ngai-Mûnene aavereere Musa maathani mau îgûrû rîa kîrîma gîa Sinai kûu werûrî mûthenya ûrîa eerire andû a Isiraeli marutagîre Ngai-Mûnene matega mao.

Ndari 1:1

Mûthenya wa mbere wa mweri wa kaîrî mwaka wa kaîrî kuuma andû a Isiraeli mauma Misiri, Ngai arî îgemarî rîa Ngai-Mûnene kûu werûrî wa Sinai nîwarîrie Musa akîmwîra atîrî,

Ndari 28:6

Îtega rîîrî rîa kûvîvua nî rîa wa mûthenya na rîambîrîrie kîrîmarî gîa Sinai rîrî îtega rîa irio, rîrî na mûtararîka mwaro ûkenagia Ngai-Mûnene.

Ndari 3:1

Ino nîcio njiarwa cia Aroni na Musa îvindarî rîrîa Ngai-Mûnene aarîrie Musa arî Kîrîmarî gîa Sinai.

Ndari 36:13

Mau nîmo Maathani na mawatho marîa Ngai-Mûnene aaveere andû a Isiraeli na njîra ya Musa marî kûndû kûrîa kwaraganu kwa Moabu mûringo wa rûnjî rwa Jorodani vakuvî na îtûûra rîa Jeriko.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 4:45

Ino nîcio irîra, mawatho, na matuîro ma ciira marîa Musa aaveere andû a Isiraeli rîrîa maaumire Misiri.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.