Alawi 27:21 - ÎVUKU RÎA ÛVORO MWARO

²¹ Nwatî mwaka ûcio wîngî wa gûkûngûîra mîaka mîrongo îtano, mûgûnda ûcio nîûkaanenganîrwa kûrî Ngai-Mûnene ûtuîke wake viû, na ûkethîrwa ûrî wa athînjîri-Ngai.

Alawi 27:21 ပူးပေါင်းရင်းမြစ်များ

Ezira 10:8

Ndûmîrîri îo yatûmanirwe nî atongoria a andû a Isiraeli. Na mûndû wa wonthe ûngîaregire kûthiî kavindarî kau ka mîthenya îthatû, nîwarutagwa gîkundirî Kîam andû arîa engî na agacoka agacunwa indo cionthe irîa arî nacio.

Ezek 44:29

Matega ma irio cia mîgûnda, matega ma kûthiria mevia na matega ma kûrîva mevia makarîcagwa nî athînjîri-Ngai. Indo cionthe vûrûrirî wa Isiraeli irîa ciamûrîrîtwe Ngai igatuîkaga ciao.

Alawi 25:10

Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Alawi 25:28

Nwatî ethîrwa atarî na mbeca mbîganu cia kûgûra mûgûnda wake rîngî, mûgûnda ûcio ûkethîrwa ûrî wa mûndû ûrîa waûgûrire nginya mwakarî wa mîrongo îtano rîrîa agaacokerua guo. Mwakarî ûcio nîrîo mwene mûgûnda ûcio agîrîrîwe nî gûcokerua guo.

Alawi 25:31

Nwatî nyomba irîa irî icagirî irîa itarî mbirigîre na rûthingo igeekagwa ta mîgûnda. Ene cio nwa maikûûre rîngî na ciagîrîrwe nî gûgaacokua mwakarî wa mîrongo îtano.

Alawi 27:20

Nwatî mûndû ûcio wamûrîrîte Ngai-Mûnene mûgûnda angîwendia kûrî mûndû wa kaîrî atambîte kûûgûra, ndangîvota gûûkûûra rîngî.

Alawi 27:22

“Mûndû angîgûra mûgûnda acoke awamûrîre Ngai-Mûnene,

Ndari 18:14

“Indo cionthe irîa nyamûre na irî Isiraeli nî cienyu.

Gûco 13:17

Mûtikeigîre kîndû wanarî kîmwe Kîam irîa ciathanirwe icûkangue, nîguo Ngai-Mûnene athirwe nî marakara. Nîagaacoka amwîguîre ntha na atûme mwîngîve wata ûrîa eerîre methe menyu,

Josh 6:17

Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.