Alawi 27:18 - ÎVUKU RÎA ÛVORO MWARO

¹⁸ Nwatî angîamûra gacunjî kau ka mûgûnda vuva wa mîaka mîrongo îtano, mûthînjîri-Ngai nîagaatua îrîvi rîa mûgûnda rîringanîte na mîaka îrîa îkethîrwa îtigarîte nginya mwaka ûcio wîngî wa gûkûngûîra mîaka mîrongo îtano, na îrîvi rîu rînyivanyivue.

Alawi 27:18 ပူးပေါင်းရင်းမြစ်များ

Alawi 25:27

nîagaatara mbeca cia mwîgana wa irio irîa irî mûgûndarî ûcio na airute kuuma kûrî mbeca irîa endeetie mûgûnda, acoke oce mûgûnda wake.

Alawi 27:14

“Vîndî îrîa mûndû akwamûrîra Ngai-Mûnene nyomba, mûthînjîri-Ngai nîagaatua îrîvi rîa nyomba îo kûringana na wagîrîru wayo, na mbeca irîa mûthînjîri-Ngai agaatua nîcio nyomba îo îkaagûrwa.

Alawi 27:17

Ethîrwa akaamûra gacunjî kau ka mûgûnda mwaka wa mîrongo îtano wathira, gakaarîvwa îrîvi rîrîa rîkagîrîrîte.

Alawi 27:19

Ethîrwa mwene mûgûnda ûcio nwa ende kûûgûra rîngî ûtuîke wake, nwanginya akaaûrîva na ongerere tûcunjî mîrongo îîrî îgûrû rîa îgana.

Alawi 27:23

Mûthînjîri-Ngai nîagaatua îrîvi rîa mûgûnda ûcio rîringanîte na mîaka îrîa îkethîrwa îtigarîte nginya mwaka wîngî wa gûkûngûîra mîaka mîrongo îtano, na mûndû ûcio nwanginya akaarîva mbeca icio mûthenya ûcio. Mbeca icio nî cia Ngai-Mûnene.