Alawi 26:8 - ÎVUKU RÎA ÛVORO MWARO

⁸ Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Alawi 26:8 ပူးပေါင်းရင်းမြစ်များ

1Maû 11:11

Athigari a Daudi arîa maarî njamba cia mbaara wa mbere aarî Jashobeamu kuuma mbarî ya Hakimoni. Jashobeamu aarî mûnene wa atongoria “Arîa athatû”. Nîwarûire na îtumû rîake na akîûraga andû magana mathatû (300) riita rîmwe mbaararî.

1Maû 11:20

Abishai, mûrwang'ina wa Joabu nîke warî mûtongoria wa athigari arîa njamba mîrongo îthatû. Nîwocire îtumû rîake na akîrûa na arûme magana mathatû na akîmaûraga onthe. Kwoguo nîwagîre îgweta wata acio athatû.

Esita 9:16

Ayahudi arîa maarî icunjîrî icio ciîngî nîmeevangire makîgitîra. Nîmevonokirie kuuma kûrî arîa nthû ciao na makîûraga andû ngiri mîrongo mûgwanja na atano (75,000) arîa maamamenete. Nwatî matiatava kîndû wanarî kîmwe.

Alawi 26:7

Nî mûkaarûa na nthû cienyu na mûivoote.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

Ndari 31:4

Tûma arûme ngiri îmwe kuuma kûrî wa mûvîrîga wa andû a Isiraeli a kûthiî mbaararî.”

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 23:10

Mûndû ûmwe gatagatîrî kenyu nwa atûme andû ngiri îmwe maûre nîûndû Ngai-Mûnene, Ngai wetû nîwatwîrire atî nîke ûgatûrûagîrîra.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.