Alawi 26:32 - ÎVUKU RÎA ÛVORO MWARO

³² Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Alawi 26:32 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Jeremia 12:11

Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 25:11

Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 25:18

Nambîrîrie gûkundia Jerusalemu na matûûra ma Juda; ngîcoka gûkundia athamaki na anene a kuo, nîguo matuîke kûndû gûtarî kîndû, na werû na kûndû gwa kûnyararwa na kûndû kûrume, wata ûrîa gwîkariî ûmûnthî,

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 4:12

Athamaki a nthî matietîkia, kana atûûri onthe a nthî, atî nthû nîîngîatonyire ivingorî cia Jerusalemu.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Danieli 9:18

We Ngai wetû, tega matû maku ûtûthikîrîrie. Ta roria mathîna marîa tûrî namo na mathîna marîa marî îtûûrarî rîrîa rîtanîtue nawe. Tûrakûvoya we Ngai nîûndû ûrî wa ntha nyîngî na tî nîûndû wa ûrîa twagîrîrîte.

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.