Alawi 26:30 - ÎVUKU RÎA ÛVORO MWARO

³⁰ Nîngoomomora kûndû kûrîa mûgoocagîra mûrî îgûrû rîa irîma, nyomomore metha cienyu cia magongoona cia kûvîvîria ûbani na mbikie ciimba cienyu îgûrû rîa mîvuanano yenyu îno mîkuû, na nîmûnyarare.

Alawi 26:30 ပူးပေါင်းရင်းမြစ်များ

Kîam 19:13

nîûndû nîtûgûcûkangia îtûûra rîîrî. Ngai-Mûnene nîwîguîte maûndû macûku marîa andû marîtie megiî andû a îtûûra rîîrî rîa Sodomu na nîatûtûmîte tûrîcûkangie.”

1Atha 13:2

Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

2Atha 23:16

Josia nîwacokire akîîvûgûra na akîona mbîîrîra îgûrû rîa kîrîma. Nîwaugire mavîndî mathikûrue mbîrîrarî icio na akîmavîvîria îgûrû rîa metha ya kîgongoona. Ûguo nîguo Josia aagwatirie metha ya kîgongoona mûgiro, wata ûrîa Ngai-Mûnene aaugîte na njîra ya mûrathi atî nîgûgeekîka.

2Atha 23:20

Nîwaûragîre athînjîri-Ngai a ngai cia maveeni îgûrû rîa metha cia magongoona kûrîa maatungataga, na akîvîvîria mavîndî ma andû metharî cionthe cia magongoona. Vuva wa ûguo nîwacokire Jerusalemu.

2Atha 23:8

Nîwarutire athînjîri-Ngai onthe matûûrarî manene ma Juda na agîcûkangia kûndû kûrîa athînjîri-Ngai acio maarutagîra magongoona kuuma Geba nginya Beerisheba; nwa wacûkangirie kûndû kûrîa kwagoocagîrwa kwarî vakuvî na kîvingo kîrîa Joshua, mûnene wa îtûûra aatumîte. Kîvingo kîu Kîamrî mwena wa ûmotho wa kîvingo kîrîa kînene Kîam gûtonya îtûûrarî rînene.

2Maû 23:17

Nao andû onthe nîmaacokire makîthiî hekarûrî ya Baali na makîmîomomora. Nîmaaunangire metha ciake cia magongoona na mîvuanano yake na makîûragîra Matani, mûthînjîri-ngai wa Baali vau mbere ya metha cia magongoona.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

Thaburi 106:40

Kwoguo Ngai-Mûnene nîwarakarirue nî andû ake; nîwatimbirwe nî andû ake ke mwene.

Thaburi 89:38

Nwatî rîu we Ngai wî mûrakaru nî mûthamaki ûrîa ûthuurîte, nîûmûtiganîrîtie na nîûmûregete.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Ezek 16:39

Nîngaakûnenganîra kûrî anyanya aku, na nîmakaatharia kûndû gwaku gwa kûgoocagîra na kûndû kûrîa gûtûgîru. Nîmagaakûruta nguo vamwe na mathaga na magûtige ûrî njaga.

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Hosea 10:2

Ngoro ciao ciîcûrîte ûthani, Rîu nwa nginya maverithue nîûndû wa mevia mao. Ngai mûnene nîakoomomora metha cia magongoona, na omomore itugî cia mathiga ciakûvoyagîrwa.

Alawi 20:23

Mûtikarûmîrîre mîtugo ya andû arîa matûûraga vûrûrirî ûcio. Nînîmengata nîguo mûthiî mûgatûûre kuo. Nîmandakarîtie nîûndû wa maûndû monthe macûku marîa mekaga.

Alawi 26:11

Ngaatûûra gatagatîrî kenyu nîrî îgemarî rîakwa rîtheru na ndikaamûtiganîria.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Amosi 7:9

Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Gûco 32:19

Rîrîa Ngai-Mûnene oonire ûguo nîwamatiganîrie, nîwatiganîrie erîtu na anake ake.