Alawi 26:26 - ÎVUKU RÎA ÛVORO MWARO

²⁶ Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Alawi 26:26 ပူးပေါင်းရင်းမြစ်များ

2Atha 6:25

Nîkwagîre na yûra înene mûno kûu îtûûrarî rîa Samaria. Benihadadi na athigari ake nîmekarire marigicîrîtie îtûûra rîa Samaria nginya kîongo Kîam mvunda gîkendagua tûcunjî mîrongo înana (80) twa sîlûva nacio ngiramu magana maîrî (200) cia mai ma îcîa ikendua tûcunjî tûtano (5) twa sîlûva.

Thaburi 105:16

Ngai-Mûnene nîwatûmire kûgîe na yûra vûrûrirî wao, na agîcûkangia irio ciao cionthe.

Isaia 3:1

Rîu Mwathani Ngai-Mûnene mwene vinya wonthe, nîakûthengutîria Jerusalemu na Juda mwîvoko wao, mwîvoko wao wa irio na wa manjî.

Isaia 5:10

Mûgûnda wa mîthavibu wa eka îkûmi ûkaaumaga lita inyanya cia ndivei. Mûndû ûrîa ûkaavanda kilo îgana rîmwe cia mbegû agaaketha kilo îkûmi tu cia ngano.”

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 4:10

Irio irîa ûkaarîcaga nwanginya ikaathimagwa. Ûkaarîcaga irio cia ûrito wa ngiramu magana maîrî ma mîrongo îthatû (230) wa mûthenya. Ûkaarîcaga irio rita rîmwe wa mûthenya.

Ezek 4:16

Nîwacokire rîngî akîmbîra atîrî, “We mûndû, nama nîngûthiria irio cionthe îtûûrarî rîa Jerusalemu. Andû makaarîcaga irio cia kûthimwa na marî na guoya na manyunyage manjî ma kûthimwa magîîtigagîra.

Ezek 4:17

Ngeka ûguo nîguo mature irio cia kûrîa na mature manjî ma kûnyua. Wa mûndû agaacûthagîrîria ûrîa wîngî amakîte na nîmakaathira vinya nîûndû wa mevia mao.”

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Hosea 4:10

Nîmakaarîa nwatî matikavaa; nîmakaatharia nwatî matikagîa ciana, nîûndû nîmandiganîrîtie nie Ngai-Mûnene, na makarûmîrîra ngai ng'eni.”

Alawi 26:27

“Ethîrwa vuva wa maûndû mama monthe nwa mûkaathiî mbere kûregana nanie na mûrege kûmbathîkîra,

Mika 6:14

Mûkaarîcaga irio na mûtikaavaa, vîndî cionthe mûkethagîrwa mûrî avûtu. Mûgocaga indo na mûkîthiî nacio, nwatî mûtikaavota gûciiga. Indo irîa mûkaaigaga ngatûmaga cianangîke vîndî ya mbaara.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”