Alawi 25:9 - ÎVUKU RÎA ÛVORO MWARO

⁹ Nîmûgaacoka mûvuve tûrumbeta vûrûrirî wonthe mûthenya wa îkûmi mwerirî wa mûgwanja. Ûcio nîguo mûthenya wa mambura ma kûtheria mevia.

Alawi 25:9 ပူးပေါင်းရင်းမြစ်များ

Thaburi 89:15

Kûrathimwa nî andû arîa makûgoocaga na nyîmbo, ûtûûraga ûmegucagîra ntha we Ngai-Mûnene.

Thaburi 89:16

Methagîrwa marî akenu nîwe mûthenya wonthe, na nîmakûgoocaga nîûndû wa ûthingu waku.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Alawi 16:20

“Rîrîa Aroni akaathiria kûrûtha mambura ma kûtheria vandû varîa vatheru Mûno, îgema rîa Ngai-Mûnene na metha ya kîgongoona, nîakaavirîra Ngai-Mûnene mbûri îrî mwoyo îrîa îthuurîtwe îrî ya Azazeli.

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 16:30

Mûthenya ûcio nîguo wa mambura ma kûtheria mevia mao monthe, nîguo methîrwe marî atheru.

Alawi 23:24

“Îra andû a Isiraeli atî, mûthenya wa mbere mwerirî wa mûgwanja rîrîa tûrumbeta tûkaavuvwa, nî mûkaavurûka na mûgomane vamwe nîguo mûgooce.

Alawi 23:27

“Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Alawi 25:8

“Mûgaatara mîaka mûgwanja maita mûgwanja, na yonthe îkethîrwa îrî mîaka mîrongo îna na kenda.

Alawi 27:17

Ethîrwa akaamûra gacunjî kau ka mûgûnda mwaka wa mîrongo îtano wathira, gakaarîvwa îrîvi rîrîa rîkagîrîrîte.

Alawi 27:24

Mwakarî wa gûkûngûîra mîaka mîrongo îtano, mûgûnda ûcio nîûgaacokerua mwene ûrîa wawendetie kana ûcokerue njiarwa ciake.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 36:4

Mûthenya wa mambura ma kîririkano, îgai rîao nî rîgaataranîrua vamwe na îgai rîa mûvîrîga ûrîa erîtu acio makaavika. Kwoguo îgai rîao nîrîkaarutwa kuuma kûrî îgai rîa mûvîrîga wetû na tûtikaarînyita rîngî.”

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

1Ath 1:8

Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.