Alawi 24:22 - ÎVUKU RÎA ÛVORO MWARO

²² Watho ûyû nî wenyu muonthe, Aisiraeli wana ageni arîa mûtûûranagia nao, nîûndû Nie nînie Ngai-Mûnene, Ngai wenyu.”

Alawi 24:22 ပူးပေါင်းရင်းမြစ်များ

Ntha 12:49

Mawatho mama makaarûmagîrîrwa nî mûndû ûrîa ûciarîrîtwe kwa andû a Isiraeli na mûgeni ûrîa ûtûûranîtie namue.”

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Alawi 24:23

Rîrîa Musa aarîkirie kwîra andû a Isiraeli ûguo, nîmaavirire mwanake ûcio warumîte Ngai na kûu nja ya kûrîa maambîte magema na makîmûûraga na mathiga. Ûguo nîguo andû a Isiraeli meekire wata ûrîa Ngai-Mûnene aathîte Musa.

Ndari 15:29

Watho ûyû ûkaarûmagîrîrwa nî andû onthe arîa makeevia matakûmenya, marî andû a Isiraeli kana ageni arîa matûûranagia nao.

Ndari 9:14

“Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”

Gûco 1:16

“Nînathire atongoria acio ngîmeera, ‘Thikagîrîriani maciira monthe marîa andû enyu makaamûretagîra, na mûtucage maciira monthe na kîvooto, marî ma andû enyu, wana kana marî ma ageni arîa mûtûûranagia nao.