Alawi 24:16 - ÎVUKU RÎA ÛVORO MWARO

¹⁶ na aûragwe. Mûisiraeli wa wonthe kana mûgeni ûrîa ûtûûraga kûu Isiraeli angîkaaruma Ngai-Mûnene nwanginya akaaûragwa na mathiga nî andû onthe.

Alawi 24:16 ပူးပေါင်းရင်းမြစ်များ

2Sam 6:2

Nîwacokire akîthiî nao nginya Baala îrîa îrî Juda, nîguo makagîre îthandûkû rîa kîrîkanîro Kîam Ngai kuuma kuo. Îthandûkû rîu rîandîkîtwe rîîtwa rîa Ngai-Mûnene mwene vinya wonthe, ûrîa wîkaraga îgûrû rîa Akerubi.

Thaburi 139:20

Maragia maûndû ma waganu makwîgiî, na makaria maûndû macûku megiî rîîtwa rîaku.

Thaburi 74:10

We Ngai, nthû ciaku nîitûthekerera nginya rî? Nîmatûûra marumaga rîîtwa rîaku tene na tene?

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Mathaayo 12:31

Kwoguo nîramwîra na ma atî andû nwa moverwe wîvia wa wonthe, na ûndû wa wonthe mûcûku mangiuga, nwatî mûndû wa wonthe ûrumaga Roho Mûtheru ndakooverwa.

Mathaayo 26:66

Nîmuga atîa îgûrû rîake?” Nao nîmaacokirie atîrî, “Ke nîmûvîtiu na nwanginya aûragwe.”

Maariko 14:64

Mue nîmweîguîra akîruma Ngai! Nîmuga atîa îgûrû rîake.?” Nao andû onthe nîmaamûtuîrîre aûragwe.

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Ciîko 26:11

Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

Jakuvu 2:7

Itonga icio nwacio ciaragia ûvoro mûcûku wîgiî rîîtwa rîaro rîrîa mwîtanîtue narîo.