Alawi 23:8 - ÎVUKU RÎA ÛVORO MWARO

⁸ Mûkaandutagîra matega ma kûvîvua îvinda rîa mîthenya mûgwanja. Mûthenya wa mûgwanja nîguo mûkaagomanaga vamwe nîûndû wa kûgooca, nwatî mûtikarutage wîra mûthenya ûcio.”

Alawi 23:8 ပူးပေါင်းရင်းမြစ်များ

Ntha 12:16

Mûthenya wa mbere na wa mûgwanja nîmûgaacemanagia nîûndû wa kûgooca. Gûtirî wîra wagîrîrwe kûrutwa mîthenya îo, nwatî irio nwa irugwe mîthenya îo.

Ntha 13:6

Mîthenya mûgwanja nîmûkaarîcaga mîgate îtarî mîkîre ndawa ya kwimbia. Naguo mûthenya wa mûgwanja nîguo mûkeethagîrwa na kîrugo gîa gûkumia Ngai-Mûnene.

Ezek 45:23

Na îvinda rîa mîthenya mûgwanja îo ya kîrugo Kîam pasaka, wa mûthenya wa mûthenya mûnene nîakaarutîra Ngai-Mûnene îtega rîa kûvîvua rîa ndegwa mûgwanja na ndûrûme mûgwanja itarî na wonje na ikaavîvua irî ng'ima. Na wa mûthenya wa mûthenya nîakaaruta îgongoona rîa nthenge nîûndû wa mevia.

Alawi 23:7

Mûthenya wa mbere wa gûkûngûîra pasaka, nîmûkaagomana vamwe nîûndû wa kûgooca na mûtikarutage wîra ûrîa mûrutaga wa mûthenya.

Alawi 23:9

Ngai-Mûnene nîwerire Musa atîrî,

Ndari 28:18

Mûthenya wa mbere mûgaacemanagia vamwe kûgooca, na gûtirî wîra mûrito ûkaarutagwa mûthenya ûcio.

Ndari 28:25

Mûthenya wa mûgwanja mûcemanagie vamwe mûkagooca Ngai-Mûnene, na mûtikarutage wîra mûrito.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.