Alawi 23:6 - ÎVUKU RÎA ÛVORO MWARO

⁶ Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.

Alawi 23:6 ပူးပေါင်းရင်းမြစ်များ

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.