Alawi 23:3 - ÎVUKU RÎA ÛVORO MWARO

³ Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 23:3 ပူးပေါင်းရင်းမြစ်များ

Ntha 16:23

Nake Musa nîwamerire atîrî, “Ngai-Mûnene athanîte atî rûyû nî mûthenya mûtheru wa kûvurûka nîûndû wa gûkumia Ngai-Mûnene. Rugani kîrîa mûvatarîtue nîkîo ûmûnthî na kîrîa gîgûtigara nîkigwe nîûndû wa rûyû.”

Ntha 16:29

Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

Ntha 16:30

Kwoguo andû nîmaavurûkire mûthenya wa mûgwanja.

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Ntha 34:21

“Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Isaia 56:6

“Nao andû ageni arîa megiritanîtie na andû akwa nie Ngai-Mûnene, arîa mamendete, mandungatagîra, arîa mamenyagîrîra thavatû matakûmîcûkia na marûmagîrîra kîrîkanîro gîakwa na kinyi marî na wîvokeku,

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.