Alawi 23:19 - ÎVUKU RÎA ÛVORO MWARO

¹⁹ Mûgaacoka mûrute nthenge îmwe îrî îtega rîa kûtheria mevia na tûtûrûme twîrî twa ûkûrû wa mwaka ûmwe rîrî îtega rîa thayû.

Alawi 23:19 ပူးပေါင်းရင်းမြစ်များ

Alawi 16:15

“Vuva wa ûguo, nîakaaûraga mbûri ya îtega rîa kûtheria mevia ma andû, avire nthakame yayo vandû varîa vatheru Mûno na amîminjaminje îgûrû rîa gîkunîko wana vau mbere ya îthandûkû rîa kîrîkanîro, wata ûrîa eekire na nthakame ya ndegwa.

Alawi 23:18

Mûkaarutanîria mûgate ûcio na tûtûrûme mûgwanja tûrî na ûkûrû wa mwaka ûmwe, ndegwa îtarî ngûrû, na ndûrûme igîrî. Gûtirî wanarî îmwe ya nyamû icio yagîrîrwe nî kwîthîrwa îrî na wonje. Indo icio vamwe na îtega rîa irio na îtega rîa ndivei ikaarutîrwa Ngai-Mûnene irî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 23:20

Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 28:30

Mûkaarutaga nthenge îmwe îrî îtega rîa kûtheria mevia menyu.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.