Alawi 22:9 - ÎVUKU RÎA ÛVORO MWARO

⁹ “Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Alawi 22:9 ပူးပေါင်းရင်းမြစ်များ

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Alawi 16:13

Aroni arî vau mbere ya Ngai-Mûnene nîagekîra ûbani mwakirî, nîguo ndogo ya ûbani îkaamika gîkunîko Kîam îthandûkû rîa kîrîkanîro nîguo ndagakîone akua.

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Alawi 18:30

“Kwoguo rûmagîrîrani mawatho marîa nîmûvete na mûtikagîe na mîtugo mîcûku ta îrîa yarî na andû arîa maatûûraga vûrûrirî ûcio mbere yenyu, kana mwîvaka gîko mûkîmîka. Nie nînie Ngai-Mûnene, Ngai wenyu.”

Alawi 22:16

na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Ndari 18:22

Kuuma rîu andû acio engî a Isiraeli matigakuvîvîrie îgema rîa Ngai-Mûnene nîguo matikevie meretera gîkuû.

Ndari 18:32

Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”

Mathaayo 23:17

Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.