Alawi 22:22 - ÎVUKU RÎA ÛVORO MWARO

²² Mûtiagîrîrwe nî kûrutîra Ngai-Mûnene nyamû ndumumu, kîonje, îtarî na kîga kîmwe, îrî na ironda ikiumaga mavira, ûvere, kana mûtûndûko. Mûtikarutîre Ngai-Mûnene nyamû îkariî ûguo metharî ya kîgongoona îrî îtega rîa kûvîvua.

Alawi 22:22 ပူးပေါင်းရင်းမြစ်များ

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 22:20

Nwatî mûngîruta nyamû îrî na wonje, Ngai-Mûnene ndakaamîtîkîra.

Alawi 22:21

Vîndî îrîa mûndû wa wonthe akûruta îtega rîa thayû kûrî Ngai-Mûnene, rîrî rîa kûvingia mwîvîtwa kana rîrî îtega rîa kwîyendera kuuma ndîthiarî yake, nyamû ya îtega rîu nwanginya îthîrwe îtarî na wonje nîguo îtîkîrîke.

Alawi 22:23

Nwa mûrute ndegwa kana ndûrûme îciarîtwe îrî kîthua rîrî îtega rîa kwîyendera, nwatî nyamû ta îo ndîngîamûkîrîka rîrî îtega rîa kûvingia mwîvîtwa.

Alawi 3:3

Mûndû ûcio nîakaarutîra Ngai-Mûnene îtega rîa kûvîvua rîa mathunya monthe marîa marî mararî na,

Alawi 3:5

Athînjîri-Ngai a nyomba ya Aroni nîmakaavîvîria indo icio cionthe îgûrû rîa metha ya kîgongoona vamwe na matega mau mengî ma kûvîvua. Mûtararûko wa îtega rîu nîûkenagia Ngai-Mûnene.

Malaki 1:8

Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”