Alawi 22:18 - ÎVUKU RÎA ÛVORO MWARO

¹⁸ “Îra Aroni, avîcî ake vamwe na andû onthe a Isiraeli mawatho mama. Vîndî îrîa Mûisiraeli wa wonthe kana mûgeni ûrîa ûtûûraga kûu Isiraeli akûrutîra Ngai-Mûnene îtega rîa kûvîvua, rîrî rîa kûvingia mwîvîtwa kana rîrî îtega rîa kwîyendera,

Alawi 22:18 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Thaburi 116:14

Nîngaavingia mîvîtwa yakwa kûrî Ngai-Mûnene, andû ake onthe marî vo.

Thaburi 116:18

Nîngaavingia mîvîtwa yakwa kûrî Ngai-Mûnene, nîmîvingie andû ake onthe makîonaga,

Thaburi 22:25

Nîngaagûkumia nîrî kîûnganorî kînene nîûndû wa ûrîa wîkîte, nîngaakûrutîra magongoona wata ûrîa neranîîre, andû arîa makûgoocaga makîonaga

Thaburi 56:12

We Ngai, nîngaakûrutîra kîrîa naakwîrîre; nîngaakûrutîra matega ma gûgûcokeria ngatho.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 61:8

Kwoguo ngaakwinagîra nyîmbo cia gûgûkumia vîndî cionthe, ngîvingagia ûrîa ngwîrîrîte mûthenya wa mûthenya.

Thaburi 65:1

We Ngai, nîtwagîrîrwe nî gûgûkumia ûrî Zayuni, na tûvingie mîvîtwa yetû kûrî we.

Thaburi 66:13

Nîngaaûka gûkûrutîra matega ma kûvîvua nyombarî yaku; nîngaavingia ûrîa naakwîrîre na mîvîtwa.

Ntha 12:5

Mûndû nwanginya acarie kagondu kana kathenge karî na ûkûrû wa mwaka ûmwe na gatarî wonje kana maroro.

Mûvunjia 5:4

Rîrîa werîra Ngai ûndû na mwîvîtwa vingagia ûndû ûcio narua, nîûndû Ngai ndakenagua nî irimû. Vingagia ûrîa wîranîrîte.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 1:2

“Aria na andû a Isiraeli ûmere atî; “Rîrîa mûndû wa wonthe akûrutîra Ngai-Mûnene matega, akaarutaga ng'ombe, ng'ondu, kana mbûri kuuma ndîthiarî yake.

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 17:13

“Mûisiraeli wa wonthe kana mûgeni wa wonthe ûtûûranagia nao angîkaavîta na anyite nyamû kana gîconi gîtarî na gîko, nwanginya ageetûrûra nthakame yakîo nthî na amîmike na mûthetu.

Alawi 22:17

Ngai-Mûnene nîwerire Musa atîrî,

Alawi 23:38

Ino nî irugo ciîngî kwongerera kîrîa Kîam thavatû, namo mama nî matega mengî kwongerera iveo irîa mûrutagîra Ngai-Mûnene, matega marîa mûrutaga nîûndû wa kûvingia mîvîtwa, na matega marîa mûrutaga na njîra ya kwîyendera.)

Alawi 7:16

Ethîrwa mûndû nîaruta îgongoona rîa thayû nîguo avingie mwîvîtwa kana rîrî îtega rîake nîûndû wa kwîyendera, kîndû kîu akaaruta nîgîkaarîwa mûthenya wa ûcio, nakîo kîrîa gîgaatigara nwa kîrîwe mûthenya ûcio wîngî.

Amosi 4:5

Rutagani îgongoona rîa gûcokia ngatho kûrî Ngai rîa mûgate ûtarî na ndawa ya kwimbia, na mwîtîîage nîûndû wa matega ma kwîyendera marîa mûrutaga. Ûguo nîguo Ngai-Mûnene arauga.

Jona 1:16

Amenyereri acio a meri nîmeetigîre Ngai-Mûnene mûno, na nîmaamûrutîre magongoona na makîmwîrîra na mîvîtwa atî, makaamûtungatagîra.

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ciîko 18:18

Na kwa îvinda rîa mîthenya îngî mîîngî, Paûlo nîwekaranirie na etîkia kûu Korinitho. Nîwacokire akîmatiga na agîtwa meri akîthiî Sîria marî na Pirisila na Akuila. Mbere ya kuuma Kenikerea marî merirî, Paûlo nîwenjirwe njuîrî nîûndû aarî na mwîvîtwa mbere ya Ngai.

Gûco 12:17

Mûtikarîe gîcunjî gîa îkûmi Kîam ngano, ndivei, maguta, marikithathi ma ndîthia yenyu ya ng'ombe kana ng'ondu, indo irîa mwîranîrîte, matega ma kwîyendera, kana matega mengî ma mûthemba wa wonthe.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Gûco 16:10

mûcoke mûkûngûîre kîrugo Kîam maketha. Rutagîrani Ngai-Mûnene Ngai wenyu matega ma kwîyendera vîndî ya kîrugo gîkî îrî njîra ya kûmûva gîtîîo, wa mûndû kûringana na ûrîa arathimîtwe.