Alawi 22:10 - ÎVUKU RÎA ÛVORO MWARO

¹⁰ “Mûndû wa mbarî ya athînjîri-Ngai tu nîke wagîrîrwe nî kûrîa matega marîa matheru; gûtirî mûndû wîngî wagîrîrwe nî kûmarîa, wana angîthîrwa arî mûgeni wa mûthînjîri-Ngai kana arî mûndû andîkîtwe nî mûthînjîri-Ngai kûmûrutîra wîra.

Alawi 22:10 ပူးပေါင်းရင်းမြစ်များ

Ezira 2:63

Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.

Ntha 12:43

Ngai-Mûnene nîwerire Musa na Aroni atîrî, “Mama nîmo mawatho ma pasaka: Gûtirî mûgeni ûkaarîa irio cia pasaka,

Ntha 12:45

Gûtirî mûrarîrîri kana mûndû wa kûrîvwa wagîrîrwe nî kûrîa pasaka.

Ntha 29:33

Makaarîa indo irîa ciavûthîrirwe mamburarî ma kwoverwa mevia vîndî îrîa maamûragwa. Athînjîri-Ngai onga nîo magîrîrwe nî kûrîa indo icio nîûndû nî ntheru.

Ezek 44:8

Nîmûregete kûrûmîrîra mawatho makwa marîa mamûre ma hekarû, vandû va ûguo ageni nîo mwîtîkîrîtie mamarûmagîrîre.

Alawi 21:22

Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.

Alawi 22:13

Nwatî ethîrwa mwarî wa mûthînjîri-Ngai nî mûka wa ndigwa kana nî matiganîte na mûrûme, na ethîrwa atarî na ciana nwa arîe irio irîa îthe arîcaga. Gûtirî mûndû wîngî ûtarî wa mbarî ya athînjîri-Ngai wagîrîrwe nî kûrîa irio icio.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Mathaayo 12:4

Aatonyire nyombarî ya Ngai, na ke vamwe na andû arîa maarî nake nîmaarîre mîgate îrîa yarutîrîtwe Ngai, wana ethîrwa Watho ndwametîkîrîtie mamîrîe. Mîgate îo yagîrîrwe nî kûrîwa nî athînjîri-Ngai onga.

1Sam 21:6

Kwoguo mûthînjîri-Ngai nîwavere Daudi mîgate îo mîamûre, nîûndû ndaarî na mîgate îngî tiga îrîa yamûrîrîtwe Ngai. Nayo yarutîrwe metharî îrîa nyamûre na vakaigwa mîgate îngî ya kûrugwa wa rîo.

1Sam 21:7

Mûthenya ûcio, Doegu ûmwe wa ndungata cia Saûlo wa kuuma Edomu na warî mûnene wa arîthi a Saûlo aarî kûu, nîûndû aarî na ûndû eendaga gwîka mbere ya Ngai-Mûnene.