Alawi 21:8 - ÎVUKU RÎA ÛVORO MWARO

⁸ Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 21:8 ပူးပေါင်းရင်းမြစ်များ

Nehemia 13:29

Ngai wakwa, ririkana andû acio nîûndû nîmagwatîtie ûthînjîri-Ngai mûgiro wa vamwe na kîrîkanîro Kîam ûthînjîri Ngai na Kîam Alawi.

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,

Ntha 19:14

Kwoguo Musa nîwanyûrûrûkire kuuma kîrîmarî akîthiî kûrî andû, akîmera metherie na makîthambia nguo ciao.

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Alawi 22:16

na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Alawi 3:11

Ûmwe wa athînjîri-Ngai nî akaavîvîria indo icio cionthe îgûrû rîa metha ya kîgongoona irî îtega rîa kûvîvua kûrî Ngai-Mûnene.

Malaki 1:7

Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Ndari 28:2

“Atha andû a Isiraeli mandutagîre matega ma kûvîvua marî na mûtararûko mwaro îvinda rîrîa rîagîrîru.

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.