Alawi 21:12 - ÎVUKU RÎA ÛVORO MWARO

¹² Ndagîrîrwe nî kuuma vandû varîa vatheru, kana agwatie gîko varîa Ngai amûrîte, nîûndû nîwetîrîrue maguta ma kûmwamûra nî Ngai. Nie nînie Ngai-Mûnene.

Alawi 21:12 ပူးပေါင်းရင်းမြစ်များ

Ntha 28:36

“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Alawi 10:7

Mûtikaume nja ya mûromo wa îgema rîa Ngai-Mûnene, mweka ûguo mûgaakua nîûndû mûrî amûrîre Ngai-Mûnene na njîra ya gwîtîrîrua maguta make.” Nao nîmeekire wata ûrîa Musa aameerire.

Alawi 21:13

Mûthînjîri-Ngai Mûnene nîakaavikia mûndûmûka nthingi.

Alawi 8:30

Vuva wa ûguo, Musa nîwocire maguta mamwe marîa matheru na nthakame îmwe îrîa yarî îgûrû rîa metha ya kîgongoona na akîminjaminjîria Aroni na avîcî ake wa vamwe na nguo ciao. Ûguo nîguo aamûrire andû acio vamwe na nguo ciao.

Ndari 6:6

Mavinda monthe marîa eyamûrîrîte Ngai-Mûnene, ndakaathiî vakuvî na kimba,

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.