Alawi 21:10 - ÎVUKU RÎA ÛVORO MWARO

¹⁰ “Mûthînjîri-Ngai Mûnene ûrîa mwîtîrîrie maguta ma kwamûrana kîongorî gîake nîguo ekagîre nguo cia ûthînjîri-Ngai ndagîrîrwe nî gwîkara atacanûrîte njuîrî ciake kana atembûrange nguo ciake.

Alawi 21:10 ပူးပေါင်းရင်းမြစ်များ

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

Esita 6:12

Moridekai nîwacokire kîvingorî kwa mûthamaki nake Hamani akînûka narua enamîtie ûthiû nîûndû wa gûconoka.

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Thaburi 133:2

Nîta maguta ma goro marî kîongo, makînyîrûrûka nginya nderurî cia Aroni, makînyûrûka nginya kararî cia nguo ciake.

Ntha 29:7

Ûcoke woce maguta ma kwamûrana na ûmwîtîrîrie mo kîongorî gîake na ûmwamûre.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Alawi 13:45

“Mûndû ûrwarîte mûrimû mûcûku wa ngothi agekagîra nguo ino ndembûkangu, ndagaacanûra njuîrî na agekunîkaga mwena wa ngurumo wa ûthiû wake na njara na akanîrîra atî, ‘Ndirî mûtheru, Ndirî mûtheru!’

Alawi 16:32

Mûthînjîri-Ngai Mûnene ûrîa wamûrîtwe nîguo atuîke Mûthînjîri-Ngai Mûnene vuva wa îthe, nîke ûkaarûtha mambura ma kûtheria mevia ekîrîte nguo cia ûthînjîri-Ngai.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 8:12

Nîwetîrîrie Aroni maguta kîongorî gîake na akîmwamûra.

Ndari 35:25

Andû nîmagaatethûra mûndû ûcio ûraganîte atakwenda kuuma kûrî mûndû ûrîa wîtanîtue na mûndû ûcio ûragîtwe. Andû nîmagaacokia mûndû ûcio ûraganîte atakwenda îtûûrarî rîa kwîthitha, kûrîa aarî mbere. Mûndû ûcio ageekara îtûûrarî rîu nginya rîrîa Mûthînjîri-Ngai mûnene ûrîa wathuurîtwe na njîra ya kûvakwa maguta mamûre agaakua.

Ndari 6:7

kîrî Kîam îthe, ng'ina, mûrwang'ina kana mwarwang'ina. Njuîrî ciake nî cia kwonania atî nîeyamûrîrîte Ngai-Mûnene. Kwoguo ndagîrîrwe nî kwîgwatia gîko.

Mathaayo 26:65

Nake Mûthînjîri-Ngai ûrîa mûnene nîwatembûrangire nguo ciake na akiuga atîrî, “Nîwaruma Ngai! Gûtirî aira engî tûrenda! Mue nîmwegua akîruma Ngai!