Alawi 2:15 - ÎVUKU RÎA ÛVORO MWARO

¹⁵ Ûcoke wîkîre maguta na ûbani îtegarî rîu. Rîu nî îtega rîa irio cia mûgûnda.

Alawi 2:15 ပူးပေါင်းရင်းမြစ်များ

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Ntha 30:34

Ngai-Mûnene nîwerire Musa atîrî, “Oca ithimo ciîganene cia mînyamû mînungi waro cia sitakiti, onîka na galibanumu na maguta manungi waro.

Alawi 2:1

Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 2:14

Rîrîa ûkûrutîra Ngai-Mûnene îtega rîa maketha maku ma mbere, ûrutage irio cia mûgûnda irî mbokie, kana mûtu ûthîîtwe wa ngano.

Alawi 2:16

Mûthînjîri-Ngai nîagaacoka avîvie gacunjî ka mûtu, gacunjî ka maguta vamwe na ûbani wonthe. Rîu nî îtega rîa kûvîvua kûrî Ngai-Mûnene.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Ndari 15:4

Mûndû ûrîa ûkaarutaga matega mau akaarutanagîria vamwe na matega ma irio cia mûgûnda ma kilo îmwe ya mûtu mûvinyu ûtukanîtue na lita îmwe ya maguta ma ndamaiyû.