Alawi 2:14 - ÎVUKU RÎA ÛVORO MWARO

¹⁴ Rîrîa ûkûrutîra Ngai-Mûnene îtega rîa maketha maku ma mbere, ûrutage irio cia mûgûnda irî mbokie, kana mûtu ûthîîtwe wa ngano.

Alawi 2:14 ပူးပေါင်းရင်းမြစ်များ

Kîam 4:3

Mûthenya ûmwe Kaini nîwavirîre Ngai-Mûnene gîcunjî Kîam maketha kuuma mûgûndarî wake.

2Atha 4:42

Vîndî îo mûndûmûrûme ûmwe nîwaumire Baali Shalisha avirîrîte Elisha mîgate mîrongo îîrî îrugîtwe na mûtu wa maciaro ma cairi ya mbere mwaka ûcio, na igira cia ngano ikethetwe warîo. Indo icio ciarî nguniarî. Nake Elisha nîwerire ndungata yake înengere arathi marîe.

Alawi 2:15

Ûcoke wîkîre maguta na ûbani îtegarî rîu. Rîu nî îtega rîa irio cia mûgûnda.

Alawi 2:16

Mûthînjîri-Ngai nîagaacoka avîvie gacunjî ka mûtu, gacunjî ka maguta vamwe na ûbani wonthe. Rîu nî îtega rîa kûvîvua kûrî Ngai-Mûnene.

Alawi 22:29

Vîndî îrîa mûkûrutîra Ngai-Mûnene îgongoona rîa gûcokia ngatho, rûmagîrîrani mawatho nîguo îgongoona rîenyu rîtîkîrîke nî Ngai.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 23:13

Mûgaakarutanîria vamwe na kilo igîrî cia mûtu ûtukanîtue na maguta ma ndamaiyû rîrî îtega rîa kûvîvua. Mûtararûko wa îtega rîu nîûkenagia Ngai-Mûnene. Mûkaaruta îtega rîu vamwe na îtega rîa lita îmwe ya ndivei.

Alawi 23:20

Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Ndari 28:2

“Atha andû a Isiraeli mandutagîre matega ma kûvîvua marî na mûtararûko mwaro îvinda rîrîa rîagîrîru.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.