Alawi 2:10 - ÎVUKU RÎA ÛVORO MWARO

¹⁰ Matega mau mengî magaatigara nî ma athînjîri-Ngai; nî matheru mûno nîûndû nî mamwe ma matega ma kûvîvua marîa marutîrîtwe Ngai-Mûnene.

Alawi 2:10 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Ezira 2:63

Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.

Ezek 44:29

Matega ma irio cia mîgûnda, matega ma kûthiria mevia na matega ma kûrîva mevia makarîcagwa nî athînjîri-Ngai. Indo cionthe vûrûrirî wa Isiraeli irîa ciamûrîrîtwe Ngai igatuîkaga ciao.

Ezek 46:20

Nake nîwambîrire atîrî, “Ava nîvo athînjîri-Ngai makarugagîra nyama cia magongoona ma kûrîvîria mevia na cia magongoona ma kûthiria mevia, na gûkandîra mûtu wa matega ma irio cia mûgûnda. Matiagîrîrwe nî kûthiî na indo icio kîvarorî Kîam nja nîûndû nî nyamûre na nwaicûkie andû maivutia.”

Alawi 10:12

Nake Musa nîwerire Aroni na avîcî ake Eliazaru na Ithamaru arîa maatigarîte marî mwoyo atîrî, “Ocani îtega rîa irio cia mûgûnda irîa itigarîte kuuma kûrî irio irîa irutîrîtwe Ngai-Mûnene, mûrûthe mûgate ûtarî mwîkîre ndawa ya kwimbia na mûûrîre vakuvî na metha ya kîgongoona, nîûndû îtega rîîrî nî rîtheru mûno.

Alawi 14:13

Nîakaaûragîra gatûrûme vandû varîa vatheru, varîa nyamû cia matega ma kûtheria mevia na cia matega ma kûvîvua ciûragagîrwa. Nwanginya ageeka ûguo nîûndû îtega rîa wîvia na îtega rîa kûtheria mevia nî ma mûthînjîri-Ngai na nî matheru mûno.

Alawi 2:3

Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.

Alawi 21:22

Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.

Alawi 5:13

Ûguo nîguo mûthînjîri-Ngai akaaruta îgongoona rîa kûtheria wîvia wa mûndû ûcio na mûndû ûcio nî akoverwa. Mûtu ûcio wîngî nî wa mûthînjîri-Ngai, wata ûrîa gwîkagwa na matega ma irio cia mûgûnda.

Alawi 6:16

Mûtu ûcio wîngî ûkaarîwa nî Aroni na avîcî ake. Ûkaarîrwa vandûrî varîa vatheru, na nîvo nja ya îgema rîa Ngai-Mûnene, ûtekîrîtwe ndawa ya kwimbia.

Alawi 6:23

Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”

Alawi 6:9

“Îra Aroni na avîcî ake mawatho megiî matega ma kûvîvua. Namo nî atî: îtega rîa kûvîvua rîgaatigagwa îgûrû rîa metha ya kîgongoona rîkîvîvagua nî mwaki ûtukû wonthe.

Alawi 7:7

Kûrî na watho ûmwe ûrîa ûnyitîte îtega rîa kûtheria wîvia na îtega rîa kûthiria wîvia. Naguo nî atî, mûthînjîri-Ngai ûrîa ûkûruta îgongoona rîu nîke ûrîcaga nyama icio.

Ndari 18:9

Gatagatîrî ka matega marîa matheru ma indo irîa itavîvagîrua îgûrû rîa metha ya kîgongoona nîcio ikethagîrwa irî cienyu: matega ma irio cia mûgûnda, matega ma kûtheria mevia, matega ma kûthiria mavîtia. Indo cionthe irîa ndegagîrwa irî ntheru mûno ikethagîrwa irî ciaku na avîcî aku.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.