Alawi 2:1 - ÎVUKU RÎA ÛVORO MWARO

¹ Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 2:1 ပူးပေါင်းရင်းမြစ်များ

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Isaia 43:23

Ndwamindîre ng'ondu yaku ya matega ma kûvîvua, kana ûndîîa na magongoona maku. Ndiakûritûvîra ngîgwîtia matega, kana ngûnogia ngîgwîtia ûbani.

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Ezek 46:20

Nake nîwambîrire atîrî, “Ava nîvo athînjîri-Ngai makarugagîra nyama cia magongoona ma kûrîvîria mevia na cia magongoona ma kûthiria mevia, na gûkandîra mûtu wa matega ma irio cia mûgûnda. Matiagîrîrwe nî kûthiî na indo icio kîvarorî Kîam nja nîûndû nî nyamûre na nwaicûkie andû maivutia.”

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 24:7

Wîkîre ûbani mûtheri wa mûvarirî kwongerera mîgaterî îo kîrî kîririkania, atî îtega rîu rîa kûvîvua rîamûrîrîtwe Ngai-Mûnene.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 6:7

Mûthînjîri-Ngai nîakaaruta îgongoona rîa kûtheria wîvia wa mûndû ûcio, na mûndû ûcio nîakooverwa.”

Alawi 9:17

Nîwacokire akîvira îtega rîa irio cia mûgûnda, agîkumbata ngundi îmwe îcûrîte na akîivîvîria îgûrû rîa metha ya kîgongoona vamwe na matega marîa maarutagwa iraûko cionthe.

Alawi 9:4

ndegwa na ndûrûme cia îtega rîa thayû. Marutîre Ngai-Mûnene indo icio vamwe na matega ma irio cia mûgûnda itukanîtue na maguta nîûndû Ngai-Mûnene nîakûmaumîrîra ûmûnthî.”

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Ndari 18:9

Gatagatîrî ka matega marîa matheru ma indo irîa itavîvagîrua îgûrû rîa metha ya kîgongoona nîcio ikethagîrwa irî cienyu: matega ma irio cia mûgûnda, matega ma kûtheria mevia, matega ma kûthiria mavîtia. Indo cionthe irîa ndegagîrwa irî ntheru mûno ikethagîrwa irî ciaku na avîcî aku.

Ndari 28:5

Wa gatûrûme gakaarutagwa vamwe na matega ma irio cia mûgûnda, na nîcio; kilo îmwe ya mûtu îtukanîtue na lita îmwe ya maguta maro ma ndamaiyû.

Ndari 29:18

Mûkaarutaga îtega rîa irio cia mûgûnda na îtega rîa indo cia kûnyuwa kûrî ndegwa, ndûrûme, na tûtûrûme wata ûrîa watho ugîte.

Ndari 7:13

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g) kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî cia îtega rîa irio cia mûgûnda.

Ndari 7:19

Îtega rîake rîarî thaani ya sîlûva ya ûrito wa kilo îmwe na nuthu, (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na cairi cia îtega rîa irio cia mûgûnda.

Ndari 8:8

Macoke moce ndegwa îmwe îtarî ngûrû, matega ma irio ma mûtu mûvinyu ûtukanîtue na maguta ma ndamaiyû na woce ndegwa îngî îtarî ngûrû ya îtega rîa kûtheria mevia.

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Juda 1:20

Nwatî mue arata akwa, îkaragani mûgîkûraga wîtîkiorî wenyu ûrîa mûtheru viû. Voyagani mûrî na vinya wa Roho Mûtheru.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.