Alawi 19:9 - ÎVUKU RÎA ÛVORO MWARO

⁹ “Rîrîa mûgûketha maketha ma mîgûnda yenyu, mûtigakethage irio irîa irî mîthiiarî ya mîgûnda, na mûtigacokage kûngania irio irîa îgaatigara mîgûndarî.

Alawi 19:9 ပူးပေါင်းရင်းမြစ်များ

Alawi 19:10

Mûtigacokage mîgûndarî yenyu ya mîthavibu kûngania thavibu irîa ikethîrwa itigarîte, na mûtikaûnganagie thavibu irîa igûcaga, mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.

Alawi 19:8

Mûndû ûrîa ûkaairîa akethîrwa arî na wîvia nîûndû wa kûgwatia kîndû kîrîa nyamûrîrîtwe mûgiro, na mûndû ûcio nîakaamûranua na andû akwa.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 23:22

“Vîndî îrîa mûgûketha maketha ma mîgûnda yenyu, mûtigakethage irio irîa irî rûtere rwa mîgûnda na mûtigacokage kûngania irio irîa itigaraga mîgûndarî. Mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.”

Alawi 23:29

Mûndû wa wonthe ûtakeenyerekia mûthenya ûcio nîakaamûranua na andû a Ngai.

Ruthu 2:15

Rîrîa Ruthu aathiîre gûcaria cairi rîngî, Boazu nîwathire arute wîra ake akîmeera atîrî, “Tigani acarie wana kûu ikûmbwarî na mûtikamûgirie.

Ruthu 2:2

Ruthu ûcio warî Mûmoabu nîwerire Naomi atîrî, “Tiga nthiî mûgûndarî ngocanie cairi îrîa akethi maratigaria. Nîrî na ma atî nîngwona mûndû ûngîmbîtîkîria kûruta wîra gwake.” Nake Naomi nîwamûcokerie atîrî, “Îî thiî wîke guo mwarîwa.”

Ruthu 2:8

Boazu nîwacokire akîra Ruthu atîrî, “Tathikîrîria mwarîwa. Ndûkathiî kûngania cairi kûndû kwîngî tiga mûgûndarî ûyû. Îkara wa gûkû mûrî na aka aya mûndutagîra wîra.