Alawi 19:34 - ÎVUKU RÎA ÛVORO MWARO

³⁴ Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Alawi 19:34 ပူးပေါင်းရင်းမြစ်များ

Thaburi 146:9

Ngai-Mûnene nîagitagîra ageni, nîatethagia aka a ndigwa na ciana cia ngoriai; nwatî nîacûkangagia andû arîa aganu.

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ezek 47:22

Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Ndari 10:32

Tûngîthiî nawe, nîtûkagaana nawe kîrîa kîonthe Ngai-Mûnene agaatûrathima nakîo.”

Mathaayo 5:43

“Mue nîmwîguîte atî kwerîtwe atîrî, ‘Endagani arata enyu na mûmenage nthû cienyu.’

Gûco 10:19

Kwoguo endagani ageni, nîûndû wanamue mwarî ageni vûrûrirî wa Misiri.

Gûco 23:7

“Mûtigatume ûthû na andû a vûrûri wa Edomu nîûndû acio nî aa mûrwanyûkwe. Mûtigatume ûthû na andû a Misiri, nîûndû vîndî îmwe mwarî ageni vûrûrirî wao.

Gûco 23:8

Ciana ciao, kuuma rûciaro rwa kathatû kûthiî na mbere, nwa metîkîrue gûtonya kîûnganorî Kîam andû a Ngai-Mûnene.

Ruthu 2:10

Ruthu nîwaturumithirie ûthiû wake nthî na akîûria Boazu atîrî, “Nîndûî gîatûma ûrûmbûyanie nanie na wambîka maûndû maro na nîrî mûûrûrîrî?”