Alawi 19:32 - ÎVUKU RÎA ÛVORO MWARO

³² “Vecagani andû arîa akûrû gîtîîo, na mûmbathîkagîre; Nie nînie Ngai-Mûnene.

Alawi 19:32 ပူးပေါင်းရင်းမြစ်များ

Kîam 31:35

Rakeli nîwerire îthe atîrî, “Mwathi wakwa, ndûkandakarîre nîûndû ndingîvota kûrûgama mbere yaku nîûndû nîrî na mambura makwa ma mweri.” Labani nîwacaririe ngai cia mûciî wake nwatî ndaaciona.

Kîam 48:12

Josefu nîwathengutirie ciana icio kuuma ciaûrî cia Jakovu na akînamîrîria agîturumithia ûthiû wake vau mbere yake.

1Atha 2:19

Kwoguo Bathisheba nîwathiîre kûrî mûthamaki Solomoni kwaria nake vandûrî va Adonija. Mûthamaki nîwarûngamire, agîkethia ng'ina na akînamîrîria ûthiû mbere yake. Nîwacokire agîkarîra gîtî gîake Kîam ûthamaki na akiuga gîtî kîngî kîretwe kîrîa ng'ina eekarîre mwena wake wa ûrîo.

2Atha 17:36

Nwatî mûngoocage nie Ngai-Mûnene, ûrîa wamûrutire vûrûri wa Misiri na vinya mwîngî na wendo mûnene; nie nînie mûkaagoocaga na mûndutagîre magongoona.

Ayubu 32:4

Elihu ekarire akirîte nginya rîrîa arîa maarî akûrû kûrî ke, maaririe na Ayubu.

Ayubu 32:6

na akîambîrîria kuga atîrî, Elihu “Nie nîrî mwîthî namue mûrî akûrû kwoguo nînetigîrire kûmwîra meciiria makwa.”

Nthi 16:31

Mbuî nîta nthûmbî ya riiri, îvecagwa mûndû ûrîa ûtûûrîte na njîra ya ûthingu.

Nthi 20:29

Riiri wa andû ethî nî vinya wao, nacio mbuî nî ûthaka wa andû arîa akûrû.

Nthi 23:22

Thikagîrîria aguo ûrîa wagûciarire, na ndûkanyarare nyûkwe vîndî îrîa agaakûra.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Maca 5:12

Atongoria macuragua movetwe njara, na athuuri mativecagwa gîtîîo.

Alawi 19:14

Mûtikanarume gîtegua kana mwiga kîndû mbere ya ndumumu atî nîguo îvîngwe nîkîo. Mbathîkagîrani. Nie, nînie Ngai-Mûnene, Ngai wenyu.

Aroma 13:7

Marîvageni onthe kîrîa mwagîrîrwe nî kûmarîva. Rutagani gooti rîrîa rîonthe mwagîrîrwe nî kûruta. Îtigagîreni arîa magîrîrwe nî gwîtigîrwa, na mûtîîe arîa magîrîrwe nî gûtîîwa.

1Tim 5:1

Ndûkagûkie mûndû mûkûrû, nwatî mwarîrie ta ûrîa ûngîarîria aguo, nao anake ûmonage ta aa mûrwanyûkwe.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.