Alawi 19:2 - ÎVUKU RÎA ÛVORO MWARO

² “Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 19:2 ပူးပေါင်းရင်းမြစ်များ

Thaburi 99:3

Andû onthe nîmakumie rîîtwa rîake rînene na rîa gwîtigîrwa! Ke nî Mûtheru!

Ntha 19:6

andû nyamûrîrîtwe na mûndungatagîre mûrî athînjîri-Ngai.”

Ntha 22:31

“Mue mûrî andû akwa arîa nthuurîte. Kwoguo mûtikarîe nyama cia nyamû yûragîtwe nî nyamû cia kîthaka. Vandû va ûguo, cikagîrieni ngui.

Alawi 19:1

Ngai-Mûnene nîwerire Musa atîrî,

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Alawi 20:7

Kwoguo îkaragani mûrî atheru, nîûndû Nie nînie Ngai-Mûnene, Ngai wenyu.

Alawi 21:15

nîguo ndakagwatie ciana ciake gîko gatagatîrî ka andû ao. Nie nînie Ngai-Mûnene na nînie nîmwamûrîte arî Mûthînjîri-Ngai Mûnene.”

Alawi 21:23

Nwatî nîûndû mûthînjîri-Ngai ûcio arî na wonje, ndagîrîrwe nî gûkuvîvîria gîtambaa kîrîa kîtheru kana akuvîvîria metha ya kîgongoona. Ndagîrîrwe nî kûgwatia indo icio ntheru gîko, nîûndû Nie nînie Ngai-Mûnene na nînie nîitheragia.”

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Amosi 3:3

Andû aîrî nwa mathiî rûgendo matarîkanîrîte?

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

Josh 24:19

Nwatî Joshua nîwerire andû a Isiraeli atîrî, “Mue nwa mûremwe nî gûtungatîra Ngai-Mûnene nîûndû ke nî Ngai Mûtheru na arî wîru. Ndakaamûrekera mevia menyu,

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.