Alawi 19:18 - ÎVUKU RÎA ÛVORO MWARO

¹⁸ Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Alawi 19:18 ပူးပေါင်းရင်းမြစ်များ

Kîam 4:23

Nake Lameki nîwerire aka ake atîrî, “Ada na Zila, tanthikîrîriani, nie nîmbûragire mûndû nîûndû nîaningire.

2Sam 13:22

Nake Abusalomu nîwamenire Amunoni mûno nîûndû wa kûnyita mwarwang'ina Tamarû na vinya na ndaacoka kwarîria Amunoni rîngî.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

Thaburi 103:9

Ndagaatûgûkagia vîndî cionthe, kana atûûra arakarîte tene na tene.

Ntha 20:16

“Ndûkarie ûira wa maveeni îgûrû rîgiî mûndû ûrîa wîngî.

Nthi 20:22

Wekwa ûndû mûcûku nî mûndû ndûkerîvîrîrie, îîvoke Ngai-Mûnene na nîagaagûtethia.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Mathaayo 19:16

Mûndû ûmwe nîwathiîre kûrî Jesû na akîmûria atîrî, “Mwarimû! Nî ûndû ûrîkû mwaro mbagîrîrwe nî gwîka nîguo ngaagaîrwa mwoyo wa tene na tene?”

Mathaayo 19:19

tîîa aguo na nyûkwe na wende mûndû ûrîa mûtûûranîrîte nake wata ûrîa we wîyendete.”

Johana 13:34

Na rîu nîngûmûva rîathani rîcerû: Endanagani. Nwa nginya mwendanage wata ûrîa nîmwendete.

Ciîko 16:28

Nwatî Paûlo nîwaugîrîrie na mûgambo mûnene akiuga atîrî, “We tiga gwîîka naaî! Tue tuonthe tûrî kuo!”

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

Aroma 13:9

Maathani maugîte atîrî, “Ndûkatharanie, ndûkaûragane, ndûkaîe na ndûkerirîrie kîndû kîene.” Maathani mama monthe na marîa mengî monthe mavingagua na rîathani rîmwe tu, atî: “Enda mûndû ûrîa mûriganîtie nake wata ûrîa wîendete we mwene.”

Agal 5:14

Nîûndû watho wonthe ûvingagua nî rîathani rîmwe rîrîa riugaga; “Enda mûndû ûrîa mûriganîtie nake wata ûrîa wîyendete we mwene.”

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Akol 3:8

Nwatî rîu nwanginya mûtigane viû na maûndû mama: marakara, mang'ûrîka, kwîgucanîra naaî, kûrumana na kwaranîria naaî.

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Joh 4:21

Rîîrî nîrîo rîathani rîrîa tûrî narîo kuuma kûrî Kristû atî: mûndû ûrîa wendete Ngai, nwanginya ende mûrwang'ina kana mwarî wa ng'ina wanake.