Alawi 19:16 - ÎVUKU RÎA ÛVORO MWARO

¹⁶ Mûtikathiî mûkîguutanaga kûrî andû enyu, na mûtikarute ûira ûngîtûma mûndû ûrîa wîngî atuîrîrwe kûûragwa. Nie nînie Ngai-Mûnene.

Alawi 19:16 ပူးပေါင်းရင်းမြစ်များ

Ayubu 17:5

Mûndû ûrîa ûcukanagîrîra arata ake nîûndû wa mbeca, ciana ciake nîcio icokaga kwona thîna.

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 15:3

na matacambagia andû arîa engî, na matavîtagîria arata ao, kana maguuta andû arîa mariganîtie nao.

Thaburi 50:20

Nîwaragia maûndû macûku îgûrû rîgiî mûndû ûrîa wîngî, na ûgacambia mûrwanyûkwe.

Ntha 20:16

“Ndûkarie ûira wa maveeni îgûrû rîgiî mûndû ûrîa wîngî.

Ntha 23:1

“Ndûkanatambie ndeto itarî cia ma, na ndûkanavecane wira wa maveeni nîguo ûtethie mûndû mwaganu.

Ntha 23:7

Ndûkanarie ûira wa maveeni ciirarî, na ndûkanaûragithie mûndû ûtarî na mavîtia, nîûndû nîngaatuîra mûndû wa wonthe wîkaga waganu ta ûcio.

Nthi 10:18

Mûndû ûrîa ûthithaga ûthû ngororî nî mûthaani. Mûndû ûrîa ûgutanaga nî kîrimû.

Nthi 11:13

Mûndû wa ngutû nîaumbûraga nthitho, nwatî mûndû mwîvokeku nîathithaga nthitho.

Nthi 20:19

Mûndû wa njukû ndaigaga nthitho, kwoguo ndûkanyitanîre na mûndû ûrîa waragia ûrimû.

Jeremia 6:28

Onthe nî aremi na marî ngoro nyûmû, mathiîcaga makîgutanaga, maûmîte ta gîcango na cuuma, onthe matiîkaga maûndû ma ûûma.

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Ezek 22:9

Kûrî na andû marî ndarî yaku maragia maûndû ma maveeni megiî andû arîa engî nîguo maûragwe, na andû engî marîcaga irio irîa irutîrîtwe mîvuanano irîmarî; mekaga maûndû ma ungumania wa ûkîonaga.

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Gûco 27:25

“ ‘Kûnyitwa nî kîrumi nî mûndû ûrîa wamûkagîra mbeca nîguo aûrage mûndû ûtarî na mavîtia.’ “Nao andû onthe nîmakaauga, ‘Ameni!’

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.