Alawi 19:13 - ÎVUKU RÎA ÛVORO MWARO

¹³ “Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 19:13 ပူးပေါင်းရင်းမြစ်များ

Ayubu 17:5

Mûndû ûrîa ûcukanagîrîra arata ake nîûndû wa mbeca, ciana ciake nîcio icokaga kwona thîna.

Ayubu 31:39

na ethîrwa nîndîte irio ciaguo ndakûrîva, na nîndûmîte ene guo makue nî yûra;

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Ntha 20:15

“Ndûkaîe.

Ntha 22:13

Narîo ethîrwa nyamû îrîa aathithirue yaûragirwe nî nyamû cia kîthaka, nwanginya arete matigari nîguo matuîke ûira. Onania matigari mau ke ndakaarîva nyamû îrîa îrîtwe nî nyamû cia kîthaka.

Ntha 22:15

Nwatî îngîkua mwene yo arî vo, mûndû ûcio ûramîvoete ndangîrwa amîrîve. Nwatî ethîrwa nîkwa îrarî ngombore, mbeca irîa iramîkomborete nîcio igaatuîka îrîvi.

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ntha 22:7

“Mûndû angîthithia mbeca kana indo kûrî mûndû wîngî nake mwîi aûke na aîe indo icio, mwîi angînyitwa nîakaarîva maita maîrî ma indo irîa aîîte.

Nthi 20:10

Ngai-Mûnene nîathûrîte andû arîa matûmagîra ithimi irîa îtarî mbagîrîru.

Nthi 22:22

Ndûgacune mûthîni kîndû nîûndû atî ke ndarî na ûvoti, kana ûvinyîrîrie mûndû ûtarî na mûmûtethia cirarî,

Nthi 3:28

Ndûkere mûndû wîngî agaaûka rûyû, nîguo ûmûnengere kîndû, angîthîrwa nwa ûmûnengere ûmûnthî.

Jeremia 22:13

“Kûgwatwa nî thîna nî mûndû, ûrîa ûtumaga nyomba yake na njîra îtagîrîrîte, na agekîra ngorova atarî na kîvooto. Andîkaga andû mamûrutîre wîra na ndamarîvaga.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Alawi 25:14

Kwoguo ûkîenderia Mûisiraeli ûrîa wîngî mûgûnda kana ûkîgûra kuuma kûrî ke, mûkeegucanîra ûrîa kwagîrîrîte.

Alawi 25:17

Mûtikaveenie Aisiraeli arîa engî, nwatî mwîtigagîre Ngai-Mûnene, Ngai wenyu.

Alawi 6:3

kana oce kîndû kîrîa kîraûrîte na evîte atî ke tî mûkîonu, na arute ûira wa maveeni îgûrû rîgiî ûndû wa wonthe wa maûndû marîa andû mekaga makevia,

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 20:8

“Na kîvwaî gîakinya, mwene mûgûnda ûcio nîwerire mûmenyereri wa mûgûnda wake atîrî, ‘Îta aruti wîra na ûmarîve mûcara wao na wambîrîrie na arîa mandîkirwe vuva, ûcoke ûrîkîrîrie na arîa mandîkirwe mbere.’

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Luka 3:13

Johana nîwamacokerie atîrî, “Tigagani gwîtia andû mbeca nyîngî gûkîra ûrîa watho ûmwîtîkîrîtie.”

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Tim 5:18

Nîûndû mandîko matheru maugîte atîrî, “Ndûkove ndegwa kanyua rîrîa îraruta wîra mûgûndarî,” na “Mûruti wîra nwanginya arîvagwe mûcara wake.”

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.