Alawi 18:25 - ÎVUKU RÎA ÛVORO MWARO

²⁵ Ciîko ciao nîciatûmire vûrûri wao ûnyitwe nî gîko, kwoguo nîmverithia vûrûri ûcio na ndûme vûrûri ûcio ûtavîke andû arîa matûûraga kuo.

Alawi 18:25 ပူးပေါင်းရင်းမြစ်များ

1Atha 21:26

Nîwekire mevia ma nthoni mûno na njîra ya kûgooca mîvuanano, ta ûrîa Amori meekîte. Amori meengatagwa nî Ngai-Mûnene kuuma vûrûrirî wa ûrîa andû a Isiraeli maathiîcaga na mbere.)

Ezira 9:11

marîa watûveere kûvîtûkîra ndungata ciaku arathi. Maatwîrire atî vûrûri ûrîa tûkûthiî kwînyitîra ûtuîke wetû tî mûtheru. Nîûndû andû arîa maatûûraga kuo nîmaawîcûrîtie maûndû macûku kuuma mwena ûmwe nginya mwena ûrîa wîngî.

Thaburi 106:38

Nîmeetûrûrire nthakame ya andû mataarî na mavîtia, nthakame ya anake na erîtu ao; arîa maarutire marî magongoona kûrî mîvuanano ya Kanaani, naguo vûrûri ûkîgwatwa nî mûgiro nîûndû wa nthakame îo.

Thaburi 89:32

nîngaacoka nîmaverithie nîûndû wa mevia mao; nîngaamariva nîûndû wa mavîtia mao.

Isaia 24:5

Andû arîa matûûraga gûkû nîmagwatîtie nthî mûgiro, nîûndû nîmaunîte mawatho ma Ngai, makarega kûrûmîrîra kîrîra gîake, na makauna kîrîkanîro gîa tene na tene.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Jeremia 9:9

Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Alawi 18:26

Mue andû a Isiraeli muonthe vamwe na ageni arîa mûtûûranagia nao, nwanginya mûrûmagîrîre mawatho ma Ngai-Mûnene na mwîkage ûrîa maugîte.

Alawi 18:28

Mweka ûguo vûrûri ûcio nîûkaamûtavîka ta ûrîa watavîkire andû a ndûrîrî arîa maatûûraga kuo mbere yenyu.

Aroma 8:22

Nîûndû nîtwîcî atî nginya îvindarî rîîrî ciûmbe cionthe nîiracaa irî na ûrûrû ta ûrîa mûndûmûka egucaga mbere ya agîe na mwana.

Gûco 18:12

Ngai-Mûnene Ngai wenyu nîathûrîte andû arîa mekaga maûndû mama macûku, na kîu nîkîo gîgûtûma engate andû arîa maatûûraga vûrûrirî ûrîa akûmûva nîguo mûwîgwatîre.

Gûco 21:23

kimba gîake gîtikarare mûtîrî. Nwatî mûgaakîthika mûthenya wa ûcio nîguo gîtikagwatie vûrûri ûrîa mûkûvewa nî Ngai-Mûnene Ngai wenyu mûgiro; nîûndû mûndû arî mûcurie mûtîrî ethagîrwa arî mûrume nî Ngai.

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.