Alawi 18:24 - ÎVUKU RÎA ÛVORO MWARO

²⁴ “Mûtigecûkangie na ûndû wanarî ûmwe wa mama, nîûndû andû a ndûrîrî, na nîo nîrengata nîguo mûthiî mûgatûûre kuo, meecûkangirie na maûndû mama.

Alawi 18:24 ပူးပေါင်းရင်းမြစ်များ

Kîam 15:16

Njiarwa ciaku igaacooka gûkû irî rûciarorî rwa kana, na ndikeengata Aamori arîa matûûraga vûrûrirî ûyû nîûndû îvinda rîao rîa kûverithua rîtikethîrwa rîrî rîkinyu.”

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

Ezira 9:1

Maûndû mau marîkia gwîkwa, anene a andû a Isiraeli nîmaaûkire kûrî nie na makîmbîra atî andû a Isiraeli, athînjîri-Ngai na Alawi matianeyamûrania kuuma kûrî andû arîa mariganîtie nao. Meekaga maûndû macûku wata marîa meekagwa nî Akanaani, Ahiti, Aperizi, Ajebusi, Amoni, Amoabu, Amisiri, na Amori.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Ezek 36:17

“We mûndû, vîndî îrîa andû a Isiraeli maatûûraga vûrûrirî wao, nîmaaûgwatirie mûgiro nîûndû wa mîthiîre yao na mîtugo yao. Mîtugo yao marî mbere yakwa yekariî ta gîko Kîam mûndû mûka vîndî îrîa arî kavindarî gake ka mweri.

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 18:30

“Kwoguo rûmagîrîrani mawatho marîa nîmûvete na mûtikagîe na mîtugo mîcûku ta îrîa yarî na andû arîa maatûûraga vûrûrirî ûcio mbere yenyu, kana mwîvaka gîko mûkîmîka. Nie nînie Ngai-Mûnene, Ngai wenyu.”

Ndari 35:34

Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

1Akor 3:17

Kwoguo mûndû wa wonthe angîcûkangia hekarû ya Ngai, Ngai nîakaamûcûkangia. Hekarû ya Ngai nî ntheru na mue ene nîmue hekarû yake.

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

Gûco 18:12

Ngai-Mûnene Ngai wenyu nîathûrîte andû arîa mekaga maûndû mama macûku, na kîu nîkîo gîgûtûma engate andû arîa maatûûraga vûrûrirî ûrîa akûmûva nîguo mûwîgwatîre.

Gûco 9:4

“Ngai-Mûnene arîkia kûmwîngatîra o, mûtikeîre na ngoro atî, Ngai-Mûnene aamûtethirie kwîgwatîra vûrûri ûyû nîûndû wa ûthingu wenyu. Nwatî Ngai-Mûnene nîamwîngatîra andû aya nîûndû wa waganu wao.

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.

Atir 20:10

Tûcoke tûthuure arûme îkûmi a Isiraeli varî andû îgana rîmwe, varî andû ngiri îmwe tûthuure arûme îgana rîmwe, varî andû ngiri îkûmi tûthuure andû ngiri îmwe, nîguo makagîrîre andû arîa makûthiî kûverithia andû a Gibea irio nîûndû wa waganu ûcio mekîte kûu Isiraeli.”

Atir 20:5

Arûme a Gibea nîmaaûkire kûntharîkîra na makîthiûrûrûkîria nyomba îrîa naamamîte. Meendaga kûmbûraga, nwatî vandû va ûguo maamenyanire na mûka wakwa wa kwiga kîîmwîrî na vinya na agîkua.

Atir 20:6

Nînoocire mwîrî wake, ngîûtinangia icunjî na ngîtûmana wa gîcunjî kîvirwe kûrî mîvîrîga yonthe îkûmi na îîrî ya Isiraeli nîûndû nîmeekîte ûndû mûcûku na wa ûûra nthoni gatagatîrî getû.