Alawi 18:21 - ÎVUKU RÎA ÛVORO MWARO

²¹ Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Alawi 18:21 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 17:31

andû a Iva nao makîrûtha mîvuanano ya Nibihazi na Taritaki; nao andû a Sefarivati nîmaarutire ciana ciao magongoona irî matega ma kûvîvua kûrî ngai ciao, Adurameleki na Anameleki ngai cia Sefarivaimu.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 23:10

Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

Jeremia 19:5

Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 7:31

Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 23:37

Nîmarûthîte maûndû ma ûtharia na nîmaûraganîte. Nîmarûthîte maûndû ma ûmaraa na mîvuanano yao, na makamîrutîra ciana ciakwa irî magongoona ma kûvîvua.

Alawi 19:12

Mûtikanevîte na rîîtwa rîakwa rîrîa mûkûvenania, nîûndû kûu nî kûnyararithia rîîtwa rîakwa. Nie nînie Ngai-Mûnene, Ngai wenyu.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Alawi 22:2

“Îra Aroni na avîcî ake, atî nwanginya matîîage matega matheru marîa andû a Isiraeli manyamûrîrîte, nîguo athînjîri-Ngai acio matigaconorithie rîîtwa rîakwa rîtheru. Nie nînie Ngai-Mûnene.

Alawi 22:32

Mûtigaconorithie rîîtwa rîakwa rîtheru. Andû onthe a Isiraeli nwanginya mandîîage nîûndû nîrî mûtheru. Nie nînie Ngai-Mûnene, ûrîa ûmûtheragia,

Alawi 24:15

Ûcoke wîre andû a Isiraeli atî mûndû wa wonthe ûkaaruma Ngai nwanginya akaaverithua nîûndû wa mevia make

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 5:26

Mue nîmûgaakuua mûvuanano wa Sakuthi mûthamaki wenyu, na mûvuanano wa ngai yenyu ya njata, indo irîa mue mwerûthîrîte.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

Ciîko 7:43

Mue mwakuîte îgema rîa ngai îrîa yetagwa Moleku, na mûgakuua mûvuanano wa ngai ya njata îrîa yetagwa Refani; mîvuanano îo nîyo mwarûthîte nîguo mûmîgoocage. Kwoguo, nîngaamûvira îthamîriorî kûraca mûno mbere ya Babuloni!’

Aroma 1:23

Vandû va gûkumia Ngai ûrîa ûtûûraga tene na tene, Makumagia mîvuanano îrîa îthondeketwe îkariî ta andû arîa makucaga, iconi, nyamû, kana ta nyamû cia kîruka Kîam njoka.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,