Alawi 17:5 - ÎVUKU RÎA ÛVORO MWARO

⁵ Watho ûyû ûrî vo nîguo andû a Isiraeli maretagîre Ngai-Mûnene nyamû irîa matwîre maûragagîra na kûu nja ya mûromo wa îgema rîa Ngai-Mûnene. Makaairetagîra mûthînjîri-Ngai vau mûromorî wa îgema rîa Ngai-Mûnene na magaciûragîra vo irî matega ma thayû.

Alawi 17:5 ပူးပေါင်းရင်းမြစ်များ

Kîam 21:33

Iburahimu nîwavandire mûtî ûrîa wîtagwa mûkarakaba vau Beerisheba na akîgooca Ngai-Mûnene, Ngai ûrîa ûtûûraga mwoyo arî vo.

Kîam 22:13

Rîrîa Iburahimu eenamûkire, nîwonire ndûrûme înyitîtwe mvîa nî mîrigica. Nîwathiîre akîmîoca na akîmîrutîra Ngai îgongoona rîa kûvîvua îthenya rîa mûvîcî.

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

Kîam 31:54

Jakovu nîwaitire nyamû na akîrutîra Ngai kîgongoona kûu kîrîmarî na agîîta andû ake marîcanîre. Marîkia kûrîa, nîmaararire kûu kîrîmarî.

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

1Atha 3:2

Andû maarutagîra magongoona kûndû kûrîa gûtûgîru, nîûndû vîndî îo hekarû ya Ngai-Mûnene ndîarî ndume.

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

2Atha 16:4

Ahazi nîwarutagîra magongoona na akavîvîria ûbani kûndû kûrîa gûtûgîru, irîmarî, na rungu rwa mîtî îrîa mîruru.

2Atha 17:10

Nîmeerûthîre itugî cia mathiga na mîvuanano ya Ashera ngai ya nga, îgûrû rîa irîma cionthe na rungu rwa mîtî yonthe mîruru.

2Maû 28:4

Ahazi nîwarutire magongoona na akîvîvîria ûbani kûndû kuonthe kwagoocagîrwa ngai cia mîvuanano, irîmarî na rungu rwa mîtî yonthe yarî mîruru.

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 22:9

Kûrî na andû marî ndarî yaku maragia maûndû ma maveeni megiî andû arîa engî nîguo maûragwe, na andû engî marîcaga irio irîa irutîrîtwe mîvuanano irîmarî; mekaga maûndû ma ungumania wa ûkîonaga.

Ezek 43:27

Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Alawi 17:6

Mûthînjîri-Ngai nî akaaminjaminja nthakame mîenarî ya metha ya kîgongoona vau mûromorî wa îgema rîa Ngai-Mûnene na avîvie mathunya nîguo maume mûtararûko wa gûkenia Ngai-Mûnene.

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.