Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Alawi 17:4 - ÎVUKU RÎA ÛVORO MWARO

4 tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

အခန်းကိုကြည့်ပါ။ ကော်ပီ




Alawi 17:4
30 ပူးပေါင်းရင်းမြစ်များ  

Mûndûmûrûme wa wonthe ûtarî mûruu, ndakethagîrwa arî ûmwe wa andû akwa nîûndû ke tî mûvingiu kîrîkanîro gîakwa.”


Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.


Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.


Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.


Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”


Ethîrwa kûrî mûndû ûkaarûtha wîkariî ta guo wa gûtûmîra ûrî maguta manungi waro, ndagaacoka gûtuîka ûmwe wa andû akwa.”


“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.


Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.


Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.


“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.


Mwoyo wa indo cionthe irîa ivevaga ûrî nthakamerî, kwoguo mbathîte andû a Isiraeli matikarîe nyama wa yonthe îrî na nthakame, na mûndû wa wonthe ûgeka ûguo nîakaamûranua na andû acio engî.


Mûisiraeli ûrîa ûkaaûragîra ndegwa, ng'ondu kana mbûri vandû vengî,


Watho ûyû ûrî vo nîguo andû a Isiraeli maretagîre Ngai-Mûnene nyamû irîa matwîre maûragagîra na kûu nja ya mûromo wa îgema rîa Ngai-Mûnene. Makaairetagîra mûthînjîri-Ngai vau mûromorî wa îgema rîa Ngai-Mûnene na magaciûragîra vo irî matega ma thayû.


vandûrî vengî tiga mûromorî wa îgema rîa Ngai-Mûnene nîakaamûranua na andû a Ngai.


Mûndû wa wonthe ûgeeka ûndû ûmwe wa mama macûku nîakaamûranua na andû a Ngai.


Mûndûmûka angîkaamenya nyamû kîîmwîrî, mûndûmûka ûcio nî akaaûragwa, wana nyamû îo nîkaaûragwa. Gîkuû Kîam mûndûmûka ûcio wana Kîam nyamû îo gîkaaumana na ciîko icio.


Mûndûmûrûme angîkaamenyana kîîmwîrî na mûndûmûka vîndî îrîa mûndûmûka ûcio arî îvindarî rîake rîa mweri, andû acio wa oîrî nîmakaamûranua na andû acio engî nîûndû nîmaunîte watho wa ûtheru.


Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.


Mûndû ûcio nîakaaigîrîra njara yake kîongorî Kîam nyamû îo na amîûragîre mûromorî wa îgema rîa Ngai-Mûnene. Nao athînjîri-Ngai a nyomba ya Aroni maminjaminje nthakame mîenarî yonthe ya metha ya kîgongoona.


Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.


Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.


Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.


Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”


Ûguo nî guo Daudi aamenyithanagia rîrîa aaririe ûvoro wîgiî kîrathimo kîrîa gîûkaga kûrî mûndû ûrîa ûtucagwa mûthingu nî Ngai nîûndû wa gwîtîkia nwatî tî ûndû wa ciîko ciake.


Mevia maarî kuo nthî wana mbere ya kûgîe na Watho, nwatî gûtirî na ûvoro wa kwîvia gûtarî na Watho.


Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.


We Ngai-Mûnene twakûthaitha wovere andû aku Aisiraeli arîa wakûûrire kuuma Misiri. Twovere na ndûgatue atî nîtue tûragîte mûndû ûtarî na mavîtia.’


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ