Alawi 17:15 - ÎVUKU RÎA ÛVORO MWARO

¹⁵ “Mûndû wa wonthe, wana ethîrwa arî Mûisiraeli kana mûgeni, ûrîa ûkaarîa nyama ya nyamû îkuîte mûvûvû kana yûragîtwe nî nyamû cia kîthaka, nwanginya akaathambia nguo ciake, ethambie, na ekare atarî mûtheru nginya kîvwaî. Vuva wa ûguo, nîakaathera.

Alawi 17:15 ပူးပေါင်းရင်းမြစ်များ

Ntha 22:30

Ûkaamvecaga îrikithathi rîaku rîa ng'ombe, na rîa ng'ondu. Ûkaarekaga marikithathi ma njamba mekare na ng'ina mîthenya mûgwanja na mûthenya wa kanana ûkîndutîra mo.

Ntha 22:31

“Mue mûrî andû akwa arîa nthuurîte. Kwoguo mûtikarîe nyama cia nyamû yûragîtwe nî nyamû cia kîthaka. Vandû va ûguo, cikagîrieni ngui.

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Ezek 44:31

Athînjîri-Ngai matiagîrîrwe nî kûrîa nyama cia gîconi kana cia nyamû wa yonthe îkuîte yo mene kana yûragîtwe nî nyamû îngî.”

Alawi 11:24

“Mûndû wa wonthe ûkaavûrûria ciimba cia nyamû ino akethîrwa arî na mûgiro nginya kîvwaî.

Alawi 11:25

Mûndû wa wonthe ûgaakuua gîcunjî gîa ciimba cia nyamû icio akeethîrwa arî na mûgiro nginya kîvwaî, na nguo ciake nwanginya ithambue.

Alawi 11:27

Nyamû cionthe irî ithu na ithiîcaga na magûrû mana irî mûgiro kûrî mue. Mûndû wa wonthe ûkaavutia ciimba cia cio nîakaagwatwa nî mûgiro nginya kîvwaî.

Alawi 11:28

Mûndû wa wonthe ûgaakuua ciimba ciacio nwanginya akaathambia nguo ciake nîûndû akethîrwa arî na mûgiro nginya kîvwaî.

Alawi 11:31

Nyamû icio cionthe ikurumaga irî mûgiro kûrî mue. Mûndû wa wonthe ûkaavûrûria ciimba ciacio akethîrwa arî na mûgiro nginya kîvwaî.

Alawi 11:32

Ciimba ciacio ingîkaagwîra kîndû wa kîonthe wana ethîrwa kîrî ta kanuku ka mûtî, gîtambaa, rûûo rwa nyamû, kana nguo ya vamba wana ciethîrwa itûmagîrwa atîa, ikethîrwa irî mûgiro nginya kîvwaî. Nwanginya ikaathambua nîguo ithere.

Alawi 11:39

“Ethîrwa nyamû wa yonthe mbîtîkîrie kûrîwa nwa îkue, mûndû ûrîa ûkaavûrûria kimba Kîamyo akethîrwa arî mûgiro nginya kîvwaî.

Alawi 11:40

Nake mûndû ûrîa ûkaarîa nyama cia kimba kîu, nwanginya akaathambia nguo ciake, nwatî akethîrwa arî mûgiro nginya kîvwaî; mûndû wa wonthe ûgaakuua kimba nwanginya akaathambia nguo ciake, nwatî akethîrwa arî mûgiro nginya kîvwaî.

Alawi 15:10

Mûndû wa wonthe ûkaavutia kîndû wa kîonthe kîrekarîrîtwe nî mûndûmûrûme akiumaga mavira ciîgarî ciake cia ûciari, akethîrwa atarî mûtheru nginya kîvwaî. Mûndû wa wonthe ûgaakuua kîndû wa kîonthe kîrekarîrîtwe nî mûndûmûrûme akiumaga mavira, nwanginya akaathambia nguo ciake na ethambie, na agekara atarî mûtheru nginya kîvwaî.

Alawi 15:21

Mûndû ûrîa ûkaavutia ûrîrî wake nwanginya akaathambia nguo ciake na ethambie, na nîagekara atarî mûtheru nginya kîvwaî.

Alawi 15:5

Mûndû wa wonthe ûkaavutia ûrîrî wa mûndûmûrûme ûcio nwanginya akaathambia nguo ciake na ethambie, na agekara atarî mûtheru nginya kîvwaî.

Alawi 22:8

Mûthînjîri-Ngai ndagîrîrwe nî kwîgwatia gîko na njîra ya kûrîa nyama cia nyamû wa yonthe îkuîte mûvûvû kana yûragîtwe nî nyamû cia kîthaka. Nyamû ta icio nwa imûgwatie gîko. Nie nînie Ngai-Mûnene.

Alawi 7:24

Nwa matûmîre mathunya ma nyamû îrîa îkuîte kana ma nyamû îrîa yûragîtwe nî nyamû ya kîthaka na wîra wîngî wa wonthe mûngîenda, nwatî matikarîe mathunya ma nyamû îo.

Ndari 19:19

Mûthenya wa kathatû na wa mûgwanja, mûndû ûrîa mûtherie nîakaaminjîria mûndû ûrîa ûtarî mûtherie manjî. Mûthenya wa mûgwanja, nîakaathambia nguo ciake na acoke ethambie mwîrî na ekare atarî mûtheru kinya kîvwaî.

Ndari 19:21

Watho ûyû nîûtûûra ûrûmagîrîrwa. Mûndû ûrîa ûminjaminjaga manjî mau ma kwîtheria wanake akathambagia nguo ciake. Mûndû ûrîa ûvutagia manjî mau ma kwîtheria ethagîrwa atarî mûtheru nginya kîvwaî.

Ndari 19:8

Mûndû ûrîa ûkaavîvia mori nwanginya wanake akaathambia nguo ciake na ethambie mwîrî, nwatî wanake ageekara atarî mûtheru nginya kîvwaî.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.