Alawi 17:13 - ÎVUKU RÎA ÛVORO MWARO

¹³ “Mûisiraeli wa wonthe kana mûgeni wa wonthe ûtûûranagia nao angîkaavîta na anyite nyamû kana gîconi gîtarî na gîko, nwanginya ageetûrûra nthakame yakîo nthî na amîmike na mûthetu.

Alawi 17:13 ပူးပေါင်းရင်းမြစ်များ

Ayubu 16:18

We nthî, ndûgakunîkîre nthakame yakwa, tiga maûndû ma kîvooto marîa mbaragia matambe kûrî andû onthe.

Nthi 6:26

Mûmaraa nwa arîvwe na thogora wa thaani ya irio, nwatî kûtharia na mûndûmûka wene, gûtûmaga mûndû aûrwe nî indo ciake cionthe.

Ezek 24:7

Nîûndû kûu îtûûrarî kûrî na ûragani. Nthakame ndîetûrûrwa nthî naarî îkunîkîrwe nî mûthetu, yetûrûrirwe îthigarî.

Alawi 17:12

Kwoguo Ngai-Mûnene nîwathîte andû a Isiraeli atî gûtirî wanarî mûndû ûmwe wa ciao kana mûgeni ûtûûranagia nao ûkaarîa nyama irî na nthakame.

Alawi 7:26

Kûrîa kuonthe mûtûûraga, mûtiagîrîrwe nî kûnyua nthakame wa yonthe îrî ya gîconi kana ya nyamû.

Gûco 12:16

Nwatî mûtikarîe nthakame. Mîtûrûrageni nthî ta manjî.

Gûco 12:24

Mûtikaarîe nthakame, vandû va ûguo mîtûrûrageni nthî ta manjî.

Gûco 15:23

Nwatî mûtikarîe nthakame ya cio, vandû va ûguo mîtûrûrageni nthî ta manjî.