Alawi 17:11 - ÎVUKU RÎA ÛVORO MWARO

¹¹ Mwoyo wa indo cionthe irîa ivevaga ûrî nthakamerî, kwoguo mbathanîte atî nthakame yonthe îtûrûragwe îgûrû rîa metha ya kîgongoona nîguo îtheragie mevia ma andû onthe. Nthakame îthagîrwa îrî mwoyo, na kîu nîkîo gîtûmaga Ngai amîvûthîre gûtûtheria mevia.

Alawi 17:11 ပူးပေါင်းရင်းမြစ်များ

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

Alawi 1:5

Nî akaaûragîra ndegwa îo vau mbere ya Ngai-Mûnene nao athînjîri-Ngai a nyomba ya Aroni, nîmagaategera Ngai-Mûnene nthakame, macoke mamîminjaminje mîenarî yonthe ya metha ya kîgongoona îo îrî vau mûromorî wa îgema rîa Ngai-Mûnene.

Alawi 16:11

“Aroni akîruta ndegwa îrî îtega rîa kûtheria mevia make ke mwene na ma andû a mûciî wake,

Alawi 17:12

Kwoguo Ngai-Mûnene nîwathîte andû a Isiraeli atî gûtirî wanarî mûndû ûmwe wa ciao kana mûgeni ûtûûranagia nao ûkaarîa nyama irî na nthakame.

Alawi 17:14

Mwoyo wa indo cionthe irîa ivevaga ûrî nthakamerî, kwoguo mbathîte andû a Isiraeli matikarîe nyama wa yonthe îrî na nthakame, na mûndû wa wonthe ûgeka ûguo nîakaamûranua na andû acio engî.

Alawi 4:25

Mûthînjîri-Ngai nî agaacoka atovokie Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, îrîa îvîvagîrua matega, acoke etûrûre îo îngî nthî ya metha ya kîgongoona.

Alawi 4:26

Nî agaacoka avîvîrie mathunya mayo monthe îgûrû rîa metha ya kîgongoona wata ûrîa avîvagia mathunya ma nyamû irîa ciûragagwa nîûndû wa matega ma ngwatanîro. Ûguo nîguo mûthînjîri-Ngai akaaruta îgongoona nîûndû wa kûtheria wîvia wa mûtongoria na mûtongoria ûcio nî akooverwa.

Alawi 8:15

Musa nîwaûragire ndegwa îo agîcoka agîoca nthakame îmwe yayo agîtovokia Kîamra gîake kuo na akîmîvaka mîenarî ya metha ya kîgongoona îrîa yaumîrîte ta mvîa. Nîwacokire agîtûrûra nthakame îo îngî vau nthî ya metha ya kîgongoona. Ûguo nîguo aatheririe metha îo ya kîgongoona na akîmîamûra.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aroma 5:9

Ethîrwa na njîra ya gîkuû Kîam Jesû nîtûtuîtwe athingu, na kinthî ke ndagaatûvonokia makîria kuuma kûrî marakara ma Ngai?

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Gûco 12:23

Menyererani mûtikarîe nthakame nîûndû mwoyo wîthagîrwa ûrî nthakamerî, na mûtikarîcanîrie mwoyo na nyama.

Akol 1:14

Mûriû nîke ûtûkûûraga na agatwovera mevia metû.

Akol 1:20

Kwoguo na njîra ya Mûriû, Ngai nîwonire kûrî kwagîrîru acokanîrîrie indo cionthe kûrî ke irîa irî îgûrû na irî nthî. Ngai nîwatûmire kûgîe na thayû na njîra ya kûûragwa kwa Mûriû wake mûtharavarî.

Ahib 13:12

Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.

Ahib 9:22

Kûringana na Watho, vakuvî indo cionthe itheragua na nthakame. Nthakame îngîrega gwîtûrûrwa mevia matingîovanîrwa.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake