Alawi 17:10 - ÎVUKU RÎA ÛVORO MWARO

¹⁰ “Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 17:10 ပူးပေါင်းရင်းမြစ်များ

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

2Sam 23:17

na akiuga atîrî, “Ngai-Mûnene, nie ndingînyua manjî mama nîûndû ngamanyua nî takwa nîngîthîrwa ngînyua nthakame ya andû aya mateetigîra gûkua makîmatava!” Kwoguo nîwaregire kûmanyua. Mau nîmo maûndû ma ûcamba marîa athigari acio athatû maarî îgweta meekire.

Thaburi 34:16

Nwatî nîareganaga na andû arîa mekaga maûndû macûku, na makua nîatûmaga mariganîre gûkû nthî.

Ntha 30:33

Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”

Jeremia 21:10

Nînduîte meciriarî makwa kûthiria îtûûra rîîrî na kûrîcûkangia. Nîrîkanenganîrwa kûrî mûthamaki wa Babuloni, nake nîakaarîvîvia na mwaki.”

Jeremia 44:11

Kwoguo Ngai-Mûnene mwene vinya wonthe, Ngai wa Isiraeli arauga atîrî, “Taroria, nîngûmûgarûrûkîra na nîmûretere mûthiro nthirie andû a Juda.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Ezek 15:7

na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

Ezek 33:25

“Kwoguo meere nie Ngai-Mûnene nîramera atî: Nîmûrîcaga nyama irî na nthakame, mûkavoya ngai cia mîvuano na mûkaûragana. Mûrona vûrûri ûyû wagîrîrwe nîgûtuîka wenyu?

Ezek 44:7

Nîmagwatîtie hekarû yakwa mûgiro nîûndû wa gwîtîkîria ageni na andû arîa matarî aruu matonya hekarûrî rîrîa nîrarutîrwa maguta na nthakame ya magongoona. Kwoguo andû akwa nîmekîte maûndû marî magigi na nîmaunîte kîrîkanîro gîakwa.

Alawi 17:11

Mwoyo wa indo cionthe irîa ivevaga ûrî nthakamerî, kwoguo mbathanîte atî nthakame yonthe îtûrûragwe îgûrû rîa metha ya kîgongoona nîguo îtheragie mevia ma andû onthe. Nthakame îthagîrwa îrî mwoyo, na kîu nîkîo gîtûmaga Ngai amîvûthîre gûtûtheria mevia.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Ciîko 15:29

Mue mûtiagîrîrwe nî kûrîa irio wa cionthe irîa itegeretwe mîvuanano; mûtiagîrîrwe nî kûrîa nthakame; wana kana nyama cia nyamû irîa ciîthagîrwa ithioretwe ngingo ikaûragwa itagwîtûrûra nthakame; mûtiagîrîrwe nî kûvûûra ûmaraa. Mue mûgeeka waro ethîrwa mûkathengutagîra maûndû mama. Tigwani na waro.”

Gûco 12:16

Nwatî mûtikarîe nthakame. Mîtûrûrageni nthî ta manjî.

Gûco 12:23

Menyererani mûtikarîe nthakame nîûndû mwoyo wîthagîrwa ûrî nthakamerî, na mûtikarîcanîrie mwoyo na nyama.

Gûco 15:23

Nwatî mûtikarîe nthakame ya cio, vandû va ûguo mîtûrûrageni nthî ta manjî.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

1Sam 14:32

Kwoguo nîmaateng'erere ng'ondu na ng'ombe irîa maatavîte kuuma kûrî nthû ciao, makîithînjîra vau nthî na makîrîa nyama irî na nthakame.

1Sam 14:33

Nake mûndû ûmwe nîwerire Saûlo atîrî, “Ta roria, andû nîmareka wîvia kûrî Ngai-Mûnene makîrîa nyama irî na nthakame.” Nake Saûlo nîwaugire atîrî, “Mue mûrî aunu watho. Vingiritiani îthiga rînene mûndetere ava.”