Alawi 16:3 - ÎVUKU RÎA ÛVORO MWARO

³ Agîtonya vandû varîa vatheru Mûno, nwanginya ambage kûruta ndegwa îtarî ngûrû îrî îtega rîa kûtheria mevia na ndûrûme îrî îtega rîa kûvîvua.

Alawi 16:3 ပူးပေါင်းရင်းမြစ်များ

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 16:6

Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.

Alawi 4:1

Ngai-Mûnene nîwerire Musa atîrî,

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 8:14

Nîwacokire akîvira ndegwa ya îtega rîa kûtheria wîvia, na Aroni vamwe na avîcî ake nîmaaigîrîre njara ciao kîongorî Kîamyo.

Alawi 8:18

Musa nîwacokire akîvira ndûrûme ya îtega rîa kûvîvua, nake Aroni na avîcî ake makigîrîra njara ciao kîongorî Kîamyo.

Alawi 9:2

na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.

Alawi 9:3

Ûcoke wîre andû a Isiraeli moce nthenge ya îtega rîa kûtheria mevia, njaû na ng'ondu itarî na wonje cia îtega rîa kûvîvua; wa îmwe îthîrwe îrî na ûkûrû wa mwaka ûmwe,

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.