Alawi 16:24 - ÎVUKU RÎA ÛVORO MWARO

²⁴ Nwanginya akeethambîria vandûrî varîa vatheru na ekîre nguo ciake. Vuva wa ûguo, nîakaauma na arute îtega rîa kûvîvua nîûndû wa kûtheria mevia make ke mwene na arute îtega rîa kûvîvua nîûndû wa kûtheria mevia ma andû.

Alawi 16:24 ပူးပေါင်းရင်းမြစ်များ

Ntha 28:40

“Ûgaatumîra avîcî a Aroni nguo mbaro ndaca, mîcivi, na iremba. Nacio nîigaatûma monekane marî athaka na marî na riiri.

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Ezek 42:14

Rîrîa athînjîri-Ngai mauma hekarûrî na nîmarenda kûthiî nja kîvarorî, nwanginya marute nguo irîa ntheru megûtungataga nacio maitige nyombarî ino. Nwanginya mekîre nguo ciîngî cia kûthiî nacio kûrî andû.”

Alawi 14:9

Mûthenya wa mûgwanja mûndû ûcio nîakeenja njuîrî cia kîongo gîake rîngî, nderu ciake, njuîrî ciake cia metho, na njuîrî icio ciîngî cionthe cia mwîrî wake. Nîagaacoka athambie nguo ciake, ethambie na nîakaathera.

Alawi 16:25

Nîakaavîvîria maguta ma nyamû cia îtega rîa kûtheria mevia îgûrû rîa metha ya kîgongoona.

Alawi 22:6

Mûthînjîri-Ngai wa wonthe ûngîvûrûria kîndû wanarî kîmwe gîa icio nîakethîrwa atarî mûtheru nginya kîvwaî na ndagîrîrwe nî kûrîa matega marîa matheru atambîte kwîthambia.

Alawi 9:7

Nîwacokire akîra Aroni atîrî, “Thiî metharî ya kîgongoona na ûrute îtega rîa kûvîvua na rîa kûtheria mevia maku na ma andû a nyomba yaku. Ûcoke ûrute îtega rîa kûtheria mevia ma andû onthe wata ûrîa Ngai-Mûnene athanîte.”

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.