Alawi 16:10 - ÎVUKU RÎA ÛVORO MWARO

¹⁰ Nayo mbûri îrîa îkaagwîrwa nî mûtî îrî ya Azazeli, nîkaavirîrwa Ngai-Mûnene îrî mwoyo nîguo îtherie mevia ma andû, îcoke îrekererue îthiî na kûu werûrî kûrî Azazeli.

Alawi 16:10 ပူးပေါင်းရင်းမြစ်များ

Alawi 14:7

Mûthînjîri-Ngai nîakaaminjîria mûndû ûrîa ûkûtherua kuumana na mûrimû mûcûku wa ngothi nthakame îo maita mûgwanja, na arîkia gwîka ûguo auge atî mûndû ûcio nî mûtheru. Nîagaacoka arekererie gîconi kîu kîrî mwoyo kîgûrûke.

Alawi 16:8

Arî vau, nîagaaikia mîtî agîtûmagîra tûthiga twîrî, kathiga kamwe kandîkîtwe ‘Ngai-Mûnene’ nako kau kengî kandîkîtwe ‘Azazeli’.

Alawi 16:9

Aroni nîagooca mbûri îrîa îkaagwîrwa nî mûtî îrî ya Ngai-Mûnene na amîrute îrî îtega rîa kûtheria mevia.

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.