Alawi 14:8 - ÎVUKU RÎA ÛVORO MWARO

⁸ Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

Alawi 14:8 ပူးပေါင်းရင်းမြစ်များ

2Maû 26:21

Mûthamaki Uzia nîwekarire arî na mûrimû mûcûku wa ngothi nginya mûthenya ûrîa aakwire. Eekaraga nyomba yake arî wenga nîûndû ndeetîkîrîtue gûtonya hekarûrî. Nake mûvîcî Jothamu nîke warûngamîrîrîte nyomba ya mûthamaki na nîke wathaga andû a vûrûri ûcio.

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,

Ntha 19:14

Kwoguo Musa nîwanyûrûrûkire kuuma kîrîmarî akîthiî kûrî andû, akîmera metherie na makîthambia nguo ciao.

Alawi 11:25

Mûndû wa wonthe ûgaakuua gîcunjî gîa ciimba cia nyamû icio akeethîrwa arî na mûgiro nginya kîvwaî, na nguo ciake nwanginya ithambue.

Alawi 14:20

na amîrutîre metharî ya kîgongoona vamwe na îtega rîa irio cia mûgûnda. Ûguo nîguo mûthînjîri-Ngai akaarûtha mambura ma kûtheria mûndû ûcio, na mûndû ûcio nîakaathera.

Alawi 14:9

Mûthenya wa mûgwanja mûndû ûcio nîakeenja njuîrî cia kîongo gîake rîngî, nderu ciake, njuîrî ciake cia metho, na njuîrî icio ciîngî cionthe cia mwîrî wake. Nîagaacoka athambie nguo ciake, ethambie na nîakaathera.

Alawi 15:13

“Rîrîa mûndûmûrûme ûcio akaatherua, nwanginya ageekara îvinda rîa mîthenya mûgwanja ya kûtherua, acoke athambie nguo ciake na ethambie na manjî matheru matavîtwe vandû varîa matherûkaga, na nîakaathera.

Alawi 8:6

Nîwacokire akîra Aroni na avîcî ake mathiî vau mbere ya andû na akîmeera methambie.

Ndari 6:9

Mûndû angîkua wa rîmwe arî vakuvî na Mûnazari na njuîrî cia Mûnazari igîe gîko, njuîrî icio nwanginya ikeenjwa vuva wa mîthenya mûgwanja nîûndû ûcio nîguo mûthenya wa kwîtheria.

Ndari 8:7

ta û: Maminjîrie manjî matheru na ûmeere meyenje mîîrî yao yonthe na mathambie nguo ciao nîguo methîrwe marî atheru.

Gûco 21:12

nîakaamûvira gwake mûciî, nake mûndûmûka ûcio nîakenja njuîrî cia kîongo gîake na atinie ngûnyû ciake.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.