Alawi 14:10 - ÎVUKU RÎA ÛVORO MWARO

¹⁰ “Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 14:10 ပူးပေါင်းရင်းမြစ်များ

Ntha 29:40

Rutaga ndûrûme ya mbere vamwe na kilo îmwe ya mûtu ûrîa mûvinyu wa ngano ûtukanîtue na lita îmwe ya maguta maro ma ndamaiyû, na lita îmwe ya ndivei ya gwîtûrûrwa.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 14:11

Mûthînjîri-Ngai nîakaathiî na mûndû ûcio vamwe na matega mau vau mûromorî wa îgema rîa Ngai-Mûnene.

Alawi 14:12

Mûthînjîri-Ngai nîagooca gatûrûme kamwe vamwe na mililita magana mathatû ma mîrongo îthatû (330 ml) cia maguta na airute irî îtega rîa kûtheria mevia. Akaairuta irî kîveo Kîam mwanya kûrî Ngai-Mûnene.

Alawi 14:15

Mûthînjîri-Ngai nîagooca maguta mamwe ma ndamaiyû na ametûrûre rûvîrî rwake rwa njara ya ûmotho.

Alawi 14:21

Nwatî ethîrwa mûndû nî mûthîni na ndangîona indo icio, nîakaaruta gatûrûme kamwe tu karî ga kûmûtheria mevia. Nîgakaanengerwa mûthînjîri-Ngai karî kîveo Kîam mwanya kûrî Ngai-Mûnene. Mûndû ûcio nîakaaruta kilo îmwe tu ya mûtu mûvinyu ûtukanîtue na maguta ma ndamaiyû rîrî îtega rîa irio cia mûgûnda, vamwe na mililita magana mathatû ma mîrongo îthatû ma maguta ma ndamaiyû.

Alawi 2:1

Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 2:13

Wîkagîre cumbî iriorî cionthe cia mûgûnda irîa ûkûrutîra Ngai-Mûnene, nîûndû cumbî îgaakûririkanagia kîrîkanîro gîaku na Ngai.

Alawi 23:13

Mûgaakarutanîria vamwe na kilo igîrî cia mûtu ûtukanîtue na maguta ma ndamaiyû rîrî îtega rîa kûvîvua. Mûtararûko wa îtega rîu nîûkenagia Ngai-Mûnene. Mûkaaruta îtega rîu vamwe na îtega rîa lita îmwe ya ndivei.

Alawi 4:32

“Ethîrwa mûndû nî akaaruta ng'ondu îrî îtega rîa kûtheria wîvia, nwanginya îkethîrwa îrî ya nga îtarî na wonje.

Alawi 9:1

Mûthenya wa kanana Musa nîwetire Aroni na avîcî ake vamwe na athuuri a Isiraeli,

Ndari 28:20

Matega ma irio cia mûgûnda marîa makaarutagwa vamwe nacio nî: mûtu ûtukanîtue na maguta ma ndamaiyû kilo ithatû kûrî wa ndegwa, kilo igîrî kûrî wa ndûrûme,

Ndari 6:14

na arutîre Ngai-Mûnene nyamû ithatû itarî na wonje. Nacio nî: ndûrûme ya ûkûrû wa mwaka ûmwe rîrî îtega rîa kûvîvua, mwatî wa ûkûrû wa mwaka ûmwe rîrî îtega rîa kûtheria mevia, na ndûrûme ya îtega rîa thayû.

Ndari 7:43

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda.

Mathaayo 8:4

Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Maariko 1:44

“Menyerera ndûkere mûndû wana ûrîkû ûvoro ûyû. Nwatî ûthiî ûkeyonanie kûrî mûthînjîri-Ngai na ûrute îgongoona rîrîa Musa aathanire nîguo rîtuîke ûira wa ma kûrî andû onthe atî we nîwatherua.”

Luka 5:14

Nake Jesû nîwerire mûndû ûcio atîrî, “We ndûkeere mûndû wa na ûmwe ûndû ûyû. Nwatî thiî ûkarorue nî mûthînjîri-Ngai na ûrute îgongoona wata ûrîa Musa aathanire. Na weka ûguo, andû onthe nîmakûmenya atî nîwatherua.”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 6:33

Ke ûrîa umîte îgûrû nîke mûgate ûrîa Ngai avecanaga, na nîke ûvecaga andû mwoyo.”

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.