Alawi 13:45 - ÎVUKU RÎA ÛVORO MWARO

⁴⁵ “Mûndû ûrwarîte mûrimû mûcûku wa ngothi agekagîra nguo ino ndembûkangu, ndagaacanûra njuîrî na agekunîkaga mwena wa ngurumo wa ûthiû wake na njara na akanîrîra atî, ‘Ndirî mûtheru, Ndirî mûtheru!’

Alawi 13:45 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

2Sam 13:19

Tamarû nîweîtîrîrie mûu kîongorî gîake, agîtembûranga nguo îo yake ndaca, agîcoka akîîmika ûthiû wake na njara na akîthiî akîrîraga.

2Atha 7:3

Arûme ana arîa mekaraga kîvingorî marî arwaru mûrimû mûcûku wa ngothi nîmeranire atîrî, “Nîtwîkara ava nginya rîrîa tûgaakua nîkî?

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Thaburi 51:3

Nie nîmbicî mavîtia makwa; vîndî cionthe nîmenyaga mevia makwa.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Ezek 24:22

Mûgeeka wata ûguo nie nekire. Mûtigekunîke mothiû menyu kana mûrîe irio irîa irîcagwa vîndî ya macakaya.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Alawi 13:44

mûthînjîri-Ngai nîakaauga atî mûndû ûcio tî mûtheru nîûndû wa mûrimû mûcûku wa ngothi ûcio ûrî kîongorî gîake.

Alawi 21:10

“Mûthînjîri-Ngai Mûnene ûrîa mwîtîrîrie maguta ma kwamûrana kîongorî gîake nîguo ekagîre nguo cia ûthînjîri-Ngai ndagîrîrwe nî gwîkara atacanûrîte njuîrî ciake kana atembûrange nguo ciake.

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Ndari 5:2

“Atha andû a Isiraeli mengate kuuma kûrîa mwambîte magema andû onthe arîa marî na mîrimû mîcûku ya ngothi, mûndû wa wonthe uraga na mûndû wa wonthe ûrî na gîko nîûndû wa kûvutania na kimba.

Luka 17:12

Rîrîa aatonyaga gîcagirî kîmwe, nîwatûngirwe nî andû îkûmi arîa maarwarîte mûrimû mûcûku wa ngothi. Nao andû acio nîmaarûngamire vandû varaca na

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”