Alawi 13:34 - ÎVUKU RÎA ÛVORO MWARO

³⁴ Mûthenya wa mûgwanja mûthînjîri-Ngai nîakaaroria rîngî îtoo rîu na ethîrwa rîtarî rîrendu na rîoneke rîtarî rîrikîru rûûorî, mûthînjîri-Ngai nîakaauga atî mûndû ûcio nî mûtheru. Nake mûndû ûcio nîakaathambia nguo ciake, na nîagaatuîka mûtheru.

Alawi 13:34 ပူးပေါင်းရင်းမြစ်များ

Alawi 13:30

mûthînjîri-Ngai nîakaaroria îtoo rîu. Ethîrwa rîkîoneka rîrî rîrikîru rûûorî, na njuîrî ciarîo ciîthîrwe irî cia erûû na irî njeke, ûcio nî mûrimû mûcûku wa ngothi. Mûthînjîri-Ngai nîakaauga atî mûndû ûcio tî mûtheru.

Alawi 13:33

mûndû ûcio nîakeenja njuîrî ciake tiga cia vandû varîa varigicîrîtie îtoo. Mûthînjîri-Ngai nîakaamûrania mûndû ûcio na andû acio engî îvinda rîngî rîa mîthenya mûgwanja.

Alawi 13:35

Nwatî îtoo rîngîgaatamba vuva wa mûthînjîri-Ngai kuga atî mûndû ûcio nî mûtheru,

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Juda 1:22

Andû amwe arîa methagîrwa marî na nganja, megucagîreni ntha.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.