Alawi 11:40 - ÎVUKU RÎA ÛVORO MWARO

⁴⁰ Nake mûndû ûrîa ûkaarîa nyama cia kimba kîu, nwanginya akaathambia nguo ciake, nwatî akethîrwa arî mûgiro nginya kîvwaî; mûndû wa wonthe ûgaakuua kimba nwanginya akaathambia nguo ciake, nwatî akethîrwa arî mûgiro nginya kîvwaî.

Alawi 11:40 ပူးပေါင်းရင်းမြစ်များ

Ntha 22:31

“Mue mûrî andû akwa arîa nthuurîte. Kwoguo mûtikarîe nyama cia nyamû yûragîtwe nî nyamû cia kîthaka. Vandû va ûguo, cikagîrieni ngui.

Isaia 1:16

Îîthambieni, îîtherieni; tigani gwîka maûndû macûku marîa monaga mûgîka. Tigani gwîka maûndû macûku,

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Ezek 44:31

Athînjîri-Ngai matiagîrîrwe nî kûrîa nyama cia gîconi kana cia nyamû wa yonthe îkuîte yo mene kana yûragîtwe nî nyamû îngî.”

Alawi 11:25

Mûndû wa wonthe ûgaakuua gîcunjî gîa ciimba cia nyamû icio akeethîrwa arî na mûgiro nginya kîvwaî, na nguo ciake nwanginya ithambue.

Alawi 11:28

Mûndû wa wonthe ûgaakuua ciimba ciacio nwanginya akaathambia nguo ciake nîûndû akethîrwa arî na mûgiro nginya kîvwaî.

Alawi 11:39

“Ethîrwa nyamû wa yonthe mbîtîkîrie kûrîwa nwa îkue, mûndû ûrîa ûkaavûrûria kimba Kîamyo akethîrwa arî mûgiro nginya kîvwaî.

Alawi 14:46

Makîria ya ûguo, mûndû wa wonthe ûgaatonya nyomba îrî mvinge akethîrwa atarî mûtheru nginya kîvwaî.

Alawi 15:15

Mûthînjîri-Ngai nîakaaruta îmwe yacio îrî îtega rîa kûtheria mevia nayo îo îngî arute îrî îtega rîa kûvîvua. Ûguo nîguo mûthînjîri-Ngai akaarûtha mambura ma kûtheria mûndûmûrûme arwarîte mûrimû wa kuuma mavira ciîgarî ciake cia ûciari.

Alawi 15:27

Mûndû wa wonthe ûkaavutia indo icio ivutîtue nî mûndûmûka ûcio, nwanginya akaathambia nguo ciake na ethambie, na nîagekara atarî mûtheru nginya kîvwaî.

Alawi 16:26

Mûndû ûrîa warekererie mbûri îkîthiî na kûu werûrî kûrî Azazeli nî akaathambia nguo ciake na ethambie mbere ya acoka kûrî andû acio engî.

Alawi 16:28

Nake mûndû ûrîa ûkaaivîvia nîagaacoka athambie nguo ciake na ethambie mbere ya acoka kûrî andû acio engî.

Alawi 22:6

Mûthînjîri-Ngai wa wonthe ûngîvûrûria kîndû wanarî kîmwe gîa icio nîakethîrwa atarî mûtheru nginya kîvwaî na ndagîrîrwe nî kûrîa matega marîa matheru atambîte kwîthambia.

Alawi 22:8

Mûthînjîri-Ngai ndagîrîrwe nî kwîgwatia gîko na njîra ya kûrîa nyama cia nyamû wa yonthe îkuîte mûvûvû kana yûragîtwe nî nyamû cia kîthaka. Nyamû ta icio nwa imûgwatie gîko. Nie nînie Ngai-Mûnene.

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Ndari 19:19

Mûthenya wa kathatû na wa mûgwanja, mûndû ûrîa mûtherie nîakaaminjîria mûndû ûrîa ûtarî mûtherie manjî. Mûthenya wa mûgwanja, nîakaathambia nguo ciake na acoke ethambie mwîrî na ekare atarî mûtheru kinya kîvwaî.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.